latest vacancies

സ്റ്റേറ്റ് ഐടി മിഷനിൽ മികച്ച അവസരം; 19,950 മുതൽ 80,000 രുപ വരെ ശമ്പളം വാങ്ങാം

തിരുവനന്തപുരത്തെ കേരള സ്റ്റേറ്റ് ഐടി മിഷനു കീഴിൽ 23 ഒഴിവ്. കരാർ നിയമനം. ജനുവരി 15 വരെ അപേക്ഷിക്കാം.

തസ്തിക, യോഗ്യത, പ്രായപരിധി, ശമ്പളം:

∙സീനിയർ ഇൻഫർമേഷൻ സെക്യൂരിറ്റി അനലിസ്റ്റ് (1): ബിഇ/ബിടെക് (സിഎസ്/ ഇസി/ഐടി)/എംസിഎ, പ്രഫഷനൽ ഇൻഫർമേഷൻ സെക്യൂരിറ്റി സർട്ടിഫിക്കറ്റ്, 4-6 വർഷ പരിചയം; 40; 80,000.

∙സീനിയർ നെറ്റ്‌വർക് എൻജിനീയർ (1): ബിഇ/ബിടെക് (ഇലക്ട്രോണിക്സ്/കംപ്യൂട്ടർ സയൻസ്), സിസിഎൻപി/തത്തുല്യ സർട്ടിഫിക്കറ്റ്, 3 വർഷ പരിചയം; 35; 52,000.

∙സിസ്റ്റം അഡ്മിനിസ്ട്രേറ്റർ: ബിടെക്/എംസിഎ/തത്തുല്യം, 5 വർഷ പരിചയം; 35; 50,000.

∙സോഫ്റ്റ്‍വെയർ ആപ്ലിക്കേഷൻ സപ്പോർട്ട് എൻജിനീയർ (5): ബിടെക്/എംസിഎ, 2 വർഷ പരിചയം; 35; 28,600.

∙ഡിസ്ട്രിക്ട് പ്രോജക്ട് മാനേജർ (1): എൻജിനീയറിങ് ബിരുദം, എംബിഎ, 2 വർഷ പരിചയം; 45; 40,000.

∙എൻജിനീയർ (1): ബിടെക് (കംപ്യൂട്ടർ സയൻസ്/ഐടി/ഇലക്ട്രോണിക്സ്), 2-4 വർഷ പരിചയം; 35; 39,000.

∙കോൺട്രാക്ട് സെന്റർ എക്സിക്യൂട്ടീവ് (2): ബിരുദം, കംപ്യൂട്ടർ അറിവ്, 3 വർഷ പരിചയം, ഇംഗ്ലിഷ്, ഹിന്ദി, മലയാളം ഭാഷകളിൽ പ്രാവീണ്യം; 36; 19,950.

∙ഹാൻഡ് ഹോൾഡ് സപ്പോർട്ട് എൻജിനീയർ (11): ബിടെക് (ഐടി/കംപ്യൂട്ടർ സയൻസ് /ഇലക്ട്രോണിക്സ് ആൻഡ് കമ്യൂണിക്കേഷൻസ്)/എംഎസ്‌സി കംപ്യൂട്ടർ സയൻസ്, 1 വർഷ പരിചയം അല്ലെങ്കിൽ 3 വർഷ ഡിപ്ലോമ (ഹാർഡ്‌വെയർ/ കംപ്യൂട്ടർ/ ഐടി), 2 വർഷ പരിചയം; 30; 21,000. www.itmission.kerala.gov.in