പ്ലസ്ടു മുതലുള്ള യോഗ്യതക്കാർക്ക് വിവിധ ഗവ. മെഡിക്കൽ കോളജ്/ ആശുപത്രികളിൽ അവസരം
Mail This Article
കൊല്ലം
ഗവ. വിക്ടോറിയ ആശുപത്രിയില് ഡേറ്റാ എന്ട്രി ഓപ്പറേറ്റര്, സ്റ്റാഫ് നഴ്സ് ഒഴിവ്. ദിവസ വേതന താല്ക്കാലിക നിയമനം.
യോഗ്യത:
∙സ്റ്റാഫ് നഴ്സ്: പ്ലസ് ടു/തത്തുല്യം, ബിഎസ്സി നഴ്സിങ് ബിരുദം/ഗവ. അംഗീകൃത ജനറല് നഴ്സിങ് ആന്ഡ് മിഡ് വൈഫറി കോഴ്സ് ജയം. കേരള നഴ്സസ് ആന്ഡ് മിഡ് വൈവ്സ് കൗണ്സില് റജിസ്ട്രേഷന്.
∙ഡേറ്റാ എന്ട്രി ഓപ്പറേറ്റര്: പ്ലസ് ടു/തത്തുല്യം, ഡിസിഎ/ പിജിഡിസിഎ, ഇംഗ്ലിഷ്, മലയാളം ടൈപ്പിങ്.
∙പ്രായപരിധി: 40.
ജനുവരി 20 നകം അപേക്ഷിക്കണം. 0474–2752700.
എറണാകുളം
മൂവാറ്റുപുഴ ജനറല് ആശുപത്രിയിലെ വിമുക്തി ഡി-അഡിഷന് സെന്ററില് മെഡിക്കല് ഓഫിസർ, ക്ലിനിക്കല് സൈക്കോളജിസ്റ്റിന്റെ ഒാരോ ഒഴിവ്. താൽക്കാലിക നിയമനം. അഭിമുഖം ജനുവരി 17 നു 11ന് എറണാകുളം ജില്ലാ മെഡിക്കല് ഓഫിസിൽ.
യോഗ്യത, പ്രായം, ശമ്പളം:
∙മെഡിക്കല് ഓഫിസര്: മോഡേണ് മെഡിസിൻ ബിരുദം അല്ലെങ്കില് സൈക്യാട്രിയില് പിജി; 18-45; 52,000.
∙ക്ലിനിക്കല് സൈക്കോളജിസ്റ്റ്: ക്ലിനിക്കല് സൈക്കോളജിയില് എംഫില്. ക്ലിനിക്കല് സൈക്കോളജിയിൽ റിഹാബിലേഷന് കൗണ്സില് ഓഫ് ഇന്ത്യയുടെ റജിസ്ട്രേഷന്; 18-45; 39,500.
എറണാകുളം
ഗവ. മെഡിക്കൽ കോളജ് ആശുപത്രിയിൽ മെഡിസെപ് പദ്ധതിക്ക് കീഴിൽ സി-ആം ടെക്നീഷ്യൻ (C-Arm Technician) ഒഴിവ്. ദിവസ വേതന താൽക്കാലിക നിയമനം.
∙യോഗ്യത: സയൻസ് വിഷയത്തിൽ പ്രീ-ഡിഗ്രി/പ്ലസ് ടു അല്ലെങ്കിൽ തത്തുല്യം, കേരളത്തിലെ മെഡിക്കൽ കോളജുകളിൽ നിന്നു റേഡിയോളജിക്കൽ ടെക്നോളജിയിൽ ഡിപ്ലോമ (2 വർഷ കോഴ്സ്) അല്ലെങ്കിൽ തത്തുല്യം. കേരള പാരാ മെഡിക്കൽ കൗൺസിൽ റജിസ്ട്രേഷൻ. ∙പ്രായപരിധി: 18-36.
അഭിമുഖം ജനുവരി 25 നു 11.30 ന് സിസിഎം ഹാളിൽ. റജിസ്ട്രേഷൻ അന്നേദിവസം 10.30 ന്.
ആലപ്പുഴ
മെഡിക്കല് കോളജിലെ എആര്ടി സെന്ററിൽ (ഉഷസ്) ഫാര്മസിസ്റ്റ് ഒഴിവ്. കരാർ നിയമനം. അഭിമുഖം ജനുവരി 23നു 10.30ന്. യോഗ്യത: ബി.ഫാം/ഡി.ഫാം, ആരോഗ്യ മേഖലയില് 3വര്ഷ പരിചയം. പാരാമെഡിക്കല് കൗണ്സില് റജിസ്ട്രേഷന്. അസ്സൽ സർട്ടിഫിക്കറ്റുകൾ സഹിതം ഹാജരാകുക.