കൊച്ചിൻ ഷിപ്യാഡിൽ ടെക്നിഷ്യൻ/ഐടിഐ ട്രേഡുകളിൽ അപ്രന്റിസ്; 9000 രൂപ സ്റ്റൈപൻഡോടെ ഒരു വർഷ പരിശീലനം
Mail This Article
കൊച്ചിൻ ഷിപ്യാഡ് ലിമിറ്റഡിൽ ടെക്നിഷ്യൻ (വൊക്കേഷനൽ) അപ്രന്റിസ്, ഐടിഐ ട്രേഡ് അപ്രന്റിസ് തസ്തികകളിലെ 307 ഒഴിവിൽ ഒരു വർഷ പരിശീലനത്തിന് അപേക്ഷിക്കാം. ഒാൺലൈൻ അപേക്ഷ ഒക്ടോബർ 23 വരെ.
ഒഴിവുള്ള വിഭാഗങ്ങൾ, യോഗ്യത, സ്റ്റൈപൻഡ്:
∙ഐടിഐ ട്രേഡ് അപ്രന്റിസ് (ഇലക്ട്രിഷ്യൻ, ഫിറ്റർ, വെൽഡർ, മെഷിനിസ്റ്റ്, ഇലക്ട്രോണിക് മെക്കാനിക്, ഇൻസ്ട്രുമെന്റ് മെക്കാനിക്, ഡ്രാഫ്റ്റ്സ്മാൻ–മെക്കാനിക്കൽ, ഡ്രാഫ്റ്റ്സ്മാൻ-സിവിൽ, പെയിന്റർ-ജനറൽ/പെയിന്റർ-മറൈൻ, മെക്കാനിക് മോട്ടോർ വെഹിക്കിൾ, ഷീറ്റ് മെറ്റൽ വർക്കർ, ഷിപ്റൈറ്റ് വുഡ്/കാർപെന്റർ/വുഡ് വർക് ടെക്നിഷ്യൻ, മെക്കാനിക് ഡീസൽ, ഫിറ്റർ പൈപ്/ പ്ലംബർ, റഫ്രിജറേഷൻ ആൻഡ് എയർ കണ്ടീഷനിങ് മെക്കാനിക്/റഫ്രിജറേഷൻ ആൻഡ് എയർ കണ്ടീഷനിങ് ടെക്നിഷ്യൻ, മറൈൻ ഫിറ്റർ): പത്താം ക്ലാസ് ജയം, ബന്ധപ്പെട്ട ട്രേഡിൽ ഐടിഐ ജയം (എൻടിസി); 8000 രൂപ.
∙ടെക്നിഷ്യൻ (വൊക്കേഷനൽ) അപ്രന്റിസ്: അക്കൗണ്ടിങ് ആൻഡ് ടാക്സേഷൻ/ അക്കൗണ്ട്സ് അസിസ്റ്റന്റ്, ബേസിക് നഴ്സിങ് ആൻഡ് പാലിയേറ്റീവ് കെയർ/ ജനറൽ ഡ്യൂട്ടി അസിസ്റ്റന്റ്, കസ്റ്റമർ റിലേഷൻഷിപ് മാനേജ്മെന്റ്/ഒാഫിസ് ഒാപറേഷൻ എക്സിക്യൂട്ടീവ്, ഇലക്ട്രിക്കൽ ആൻഡ് ഇലക്ട്രോണിക് ടെക്നോളജി/ഇലക്ട്രിഷ്യൻ ഡൊമസ്റ്റിക് സൊല്യൂഷൻ, ഫുഡ് ആൻഡ് റസ്റ്ററന്റ് മാനേജ്മെന്റ്/ക്രാഫ്റ്റ് ബേക്കർ: ബന്ധപ്പെട്ട വിഭാഗത്തിൽ വൊക്കേഷനൽ ഹയർ സെക്കൻഡറി എജ്യുക്കേഷൻ ജയം (വിഎച്ച്എസ്ഇ); 9000 രൂപ.
ഒഴിവുകളുടെ എണ്ണം പട്ടികയിൽ നൽകിയിട്ടുള്ളത് കാണുക.
∙കുറഞ്ഞ പ്രായം: 18 വയസ്സ്.
∙തിരഞ്ഞെടുപ്പ്: യോഗ്യതാ പരീക്ഷയിലെ മാർക്ക് അടിസ്ഥാനമാക്കി. സർട്ടിഫിക്കറ്റ് പരിശോധനയും ഉണ്ടായിരിക്കും. www.cochinshipyard.in