ഉപതിരഞ്ഞെടുപ്പ്: ആലപ്പുഴയിൽ രണ്ടു സീറ്റും ബിജെപി നിലനിർത്തി

ആലപ്പുഴ∙ കായംകുളം നഗരസഭ 32–ാം വാർഡിൽ സന്തോഷ്‌ കണിയംപറമ്പിൽ 186 വോട്ടിനു ജയിച്ചു. സന്തോഷിനു 469 വോട്ടും എൽഡിഎഫിലെ ടി.എ.നാസറിന് 282 വോട്ടും യുഡിഫിലെ ടെൻസി അജയന് 186 വോട്ടും ലഭിച്ചു. എഎപി സ്ഥാനാർഥി ഹരിദാസ് ശിവരാമന് 8 വോട്ട്. കഴിഞ്ഞ തവണ ബിജെപിയിലെ ഡി.അശ്വനിദേവ് 6 വോട്ടിനാണ് ജയിച്ചത്. അപകടത്തിൽ ഗുരുതരമായി പരുക്കേറ്റ അശിനീദേവിനു ദീർഘകാലമായി കൗൺസിൽ യോഗങ്ങളിൽ പങ്കെടുക്കാൻ കഴിയാത്തതിനാലാണ് ഉപതിരഞ്ഞെടുപ്പു നടന്നത്.