സിബിഎസ്ഇ ഗ്രേഡ് തീരുമാനിക്കുന്നതെങ്ങനെ?

ചോദ്യം: ഈവർഷം ഗ്രേഡ് കണക്കു കൂട്ടുന്ന രീതിയിൽ മാറ്റമുണ്ടോ ?

വീണ പ്രിയ

ഉത്തരം: ഒന്നും രണ്ടും ‌ടേമുകളിലെ മാർക്ക് ഒരുമിച്ചുകൂട്ടി അതിന്റെ അടിസ്ഥാനത്തിലാകും ഗ്രേഡ് തീരുമാനിക്കുക. ഇതിനുള്ള മാനദണ്ഡങ്ങൾ കഴിഞ്ഞവർഷത്തേതു തന്നെ. 

ചോദ്യം: കംപാർട്മെന്റ് പരീക്ഷ ഒന്നും രണ്ടും ടേമുകൾക്കു വെവ്വേറെയാകുമോ ?

ഹബീബ് അസ്‌ലം

ഉത്തരം: രണ്ടാം ടേം സിലബസിന്റെ അടിസ്ഥാനത്തിൽ ഒറ്റ കംപാർട്മെന്റ് പരീക്ഷ മാത്രമേ ഉണ്ടാകൂ. 

ചോദ്യം: ഒന്നാം ടേമിലും രണ്ടാം ടേമിലും പ്രത്യേകം ജയിക്കണോ ? അതോ രണ്ടു ടേമിലെയും മാർക്കുകൾ ഒരുമിച്ചുകൂട്ടുമോ ?

അനാമിക

ഉത്തരം: മാർച്ച് 19ലെ  സർക്കലുറിൽ വ്യക്തമാക്കിയതുപോലെ ഇരു ടേമുകളിലെയും മാർക്കുകൾ ഒരുമിച്ചുകൂട്ടിയാകും അന്തിമ ഫലം. 

Content Summary : CBSE Class 10 & Class 12 Grading Systems