സെബിയിൽ 97 അസിസ്റ്റന്റ് മാനേജർ ഒഴിവുകൾ

സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യയിൽ (സെബി) 97 ഓഫിസർ ഗ്രേഡ് എ (അസിസ്റ്റന്റ് മാനേജർ) ഒഴിവ്. ഈമാസം 30 വരെ ഓൺലൈനായി അപേക്ഷിക്കാം.

വിഭാഗങ്ങളും ഒഴിവും യോഗ്യതയും:
∙ ജനറൽ (62): പിജി, ലോ/എൻജിനീയറിങ് ബിരുദം/ സിഎ/ സിഎഫ്എ/ സിഎസ്/ കോസ്റ്റ് അക്കൗണ്ടന്റ്.
∙ ഐടി (24): എൻജിനീയറിങ് ബിരുദം/ എംസിഎ/ ഏതെങ്കിലും വിഷയത്തിൽ ബിരുദവും കംപ്യൂട്ടർ/ ഐടിയിൽ പിജിയും.
∙ ലീഗൽ (5): നിയമബിരുദം.
∙ റിസർച് (2): സ്റ്റാറ്റിസ്റ്റിക്സ്/ ഇക്കണോമിക്സ്/ കൊമേഴ്സ്/ ബിസിനസ് അഡ്മിനിസ്ട്രേഷൻ (ഫിനാൻസ്) പിജി.
∙ ഒഫീഷ്യൽ ലാംഗ്വേജ് (2): ഹിന്ദിയിൽ പിജി.
∙ എൻജിനീയറിങ്–ഇലക്ട്രിക്കൽ (2): ഇലക്ട്രിക്കൽ എൻജിനീയറിങ് ബിടെക്.
പ്രായപരിധി: 30 വയസ്സ്. അർഹർക്ക് ഇളവ്.
തിരഞ്ഞെടുപ്പ്: രണ്ടു ഘട്ടമായുള്ള ഓൺലൈൻ പരീക്ഷയും ഇന്റർവ്യൂവും. തിരുവനന്തപുരം, കൊച്ചി, കോഴിക്കോട്, ആലപ്പുഴ, കണ്ണൂർ, കോട്ടയം, തൃശൂർ എന്നിവിടങ്ങളിൽ കേന്ദ്രമുണ്ട്.
∙ അപേക്ഷാ ഫീസ്: 1000 രൂപ. പട്ടികവിഭാഗം, ഭിന്നശേഷിക്കാർക്ക് 100 രൂപ.
വിശദവിവരങ്ങൾക്ക്: www.sebi.gov.in