ഒട്ടക ഓട്ടത്തിൽ സൗദി വനിതകളുടെ പങ്കാളിത്തം വർധിക്കുന്നു

തായിഫ് ∙ ഒട്ടക ഓട്ടത്തിൽ സൗദി വനിതകളുടെ പങ്കാളിത്തം വർധിക്കുന്നു. ഇത് മറ്റ് വിവിധ കായിക ഇനങ്ങളിൽ സ്ത്രീകളുടെ കൂടുതൽ പങ്കാളിത്തത്തിലേക്കുള്ള ഒരു സുപ്രധാന ചുവടുവയ്പ്പാണെന്ന് തായിഫ് ഹിസ്റ്ററി സെന്റർ മേധാവി ഡോ. ലത്തീഫ ബിൻത് മുത്തലാഖ് അൽ അദ്വാനി പറഞ്ഞു.

സൗദി വനിതകളെ എല്ലാ മേഖലകളിലും ശാക്തീകരിക്കുന്നതിന് രാജ്യ നേതൃത്വത്തിന്റെ അചഞ്ചലമായ പിന്തുണയാണ് ഈ നേട്ടത്തിന് കാരണമെന്ന് അവർ പറഞ്ഞു. സ്ഥാപകനായ അബ്ദുൽ അസീസ് രാജാവിന്റെ കാലഘട്ടത്തിലെ ഒട്ടക ഓട്ടത്തോടുള്ള രാജ്യത്തിന്റെ ദീർഘകാല പ്രതിബദ്ധത അൽ അദ്വാനി എടുത്തുപറഞ്ഞു. 

പ്രാദേശികവുമായ മത്സരങ്ങളിൽ നിന്ന് രാജ്യാന്തര മത്സരങ്ങളിലേക്കുള്ള ഒട്ടക ഓട്ടത്തിന്റെ പരിണാമം സൗദി സമൂഹത്തിൽ കായികരംഗത്തിന്റെ അഗാധമായ സാംസ്കാരിക പ്രാധാന്യത്തിന് അടിവരയിടുന്നു. വർഷങ്ങൾക്ക് മുമ്പ് തന്നെ സൗദിയിലെ പ്രശസ്തമായ പൈതൃകത്തിൽ ഒട്ടകങ്ങൾക്ക് പ്രത്യേക സ്ഥാനമുണ്ടെന്ന് അൽ അദ്വാനി പറഞ്ഞു.  

ആധികാരികമായ പരമ്പരാഗത മൂല്യങ്ങളുമായി ബന്ധിപ്പിച്ചുകൊണ്ട് ഒട്ടകങ്ങൾ സാംസ്കാരിക പൈതൃകത്തെ ശക്തിപ്പെടുത്തിയെന്നും അൽ അദ്വാനി പറഞ്ഞു.  ഈ മൂല്യങ്ങൾ സംരക്ഷിക്കുകയും വികസിപ്പിക്കുകയും ചെയ്യുന്നത് ശക്തമായ സാമൂഹിക ഐഡന്റിറ്റി നിലനിർത്തുന്നതിനും വിശ്വസ്തത പ്രകടിപ്പിക്കുന്നതിനും ഭാവി അഭിലാഷങ്ങളെ പിന്തുണയ്ക്കുന്നതിനും നിർണായകമാണ്.