അബുദാബി ഗാന്ധി സാഹിത്യവേദി രാഷ്ട്രസേവാ പുരസ്കാരം പി.ഹരീന്ദ്രനാഥിന്
Mail This Article
അബുദാബി∙ അബുദാബിയിൽ പ്രവർത്തിക്കുന്ന ഗാന്ധി സാഹിത്യവേദിയുടെ പ്രഥമ "രാഷ്ട്രസേവാ" പുരസ്കാരം ചരിത്രഗ്രന്ഥരചയിതാവും, പ്രഭാഷകനുമായ പി.ഹരീന്ദ്രനാഥിന്. 25,000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം. "മഹാത്മാഗാന്ധി: കാലവും കർമ്മപഥവും 1869-1915 " എന്ന ഗ്രന്ഥരചന പരിഗണിച്ചാണ് പുരസ്കാരം.
അബുദാബി ഇന്ത്യൻ ഇസ്ലാമിക് സെന്റർ സാഹിത്യവിഭാഗം സംഘടിപ്പിച്ച പരിപാടിയിൽ വച്ച് ഗാന്ധി സാഹിത്യവേദി പ്രസഡന്റ് വി.ടി.വി. ദാമോദരൻ അവാർഡ് സമ്മാനിച്ചു. ജനറൽ സെക്രട്ടറി എം.യു.ഇർഷാദ് പ്രശസ്തിപത്രം വായിച്ച് സമർപ്പിച്ചു. ഇന്ത്യൻ ഇസ്ലാമിക് സെന്റർ വൈസ് പ്രസഡന്റ് വി.പി.കെ.അബ്ദുള്ള അധ്യക്ഷത വഹിച്ച ചടങ്ങ് സെന്റർ പ്രസഡന്റ് പി.ബാവ ഹാജി ഉദ്ഘാടനം ചെയ്തു.
ജാഫർ കുറ്റിക്കോട് സ്വാഗതം ആശംസിച്ചു. സെന്റർ ജനറൽ സെക്രട്ടറി ഹിദായത്തുള്ള, അഡ്വ. ഫാത്തിമ തബ്ഷീറ, റഷീദ് പട്ടാമ്പി, ഐ.എസ.സി സാഹിത്യവിഭാഗം സെക്രട്ടറി നാസ്സർ വിളഭാഗം, മലയാളി സമാജം മുൻ പ്രസഡന്റ് ബി.യേശുശീലൻ, കേരള സോഷ്യൽ സെന്റർ മുൻപ്രസഡന്റുമാരായ, പി. പത്മനാഭൻ, വി.പി.കൃഷ്ണകുമാർ എന്നിവർ എന്നിവർ ആശംസ നേർന്നു.