ബെൻസി ജോർജ് ഇന്ത്യ– ജിസിസി ട്രേഡ് കൗൺസിൽ ഡയറക്ടർ

ദുബായ് ∙ രാജ്യാന്തര കോർപറേറ്റ് വ്യവസായ ബന്ധങ്ങൾക്കായി രൂപീകരിച്ചിട്ടുള്ള സർക്കാർ ഇതര സംഘടനയായ ഇന്ത്യൻ ഇക്കണോമിക് ട്രേഡ് ഓർഗനൈസേഷന്റെ ഇന്ത്യ - ജിസിസി ട്രേഡ് കൗൺസിൽ ഡയറക്ടറായി ബെൻസി ജോർജിനെ നിയമിച്ചു. 

സ്വകാര്യ കമ്പനികൾക്ക് അവരുടെ ബിസിനസ് സംരംഭങ്ങൾ സ്ഥാപിക്കുന്നതിനും വിദേശ വിപണിയിൽ കൂടുതൽ അവസരങ്ങൾ ഉറപ്പാക്കുന്നതിനും പ്രവർത്തിക്കുന്ന എൻജിഒ ആണ് ഇന്ത്യൻ ഇക്കണോമിക് ട്രേഡ് ഓർഗനൈസേഷൻ. ചെറുകിട സംരംഭങ്ങൾക്കു പ്രത്യേകം ഊന്നൽ നൽകുന്ന സാമ്പത്തിക നയതന്ത്രമാണ് സംഘടനയുടെ പ്രധാന മേഖല.