സൗദി അറേബ്യയിലെ പ്രഫഷനൽ അക്രഡിറ്റേഷൻ പ്രോഗ്രാം: റെക്കോർഡ് നേട്ടം

റിയാദ് ∙  സൗദി അറേബ്യയിലെ മാനവ വിഭവശേഷി സാമൂഹിക വികസന മന്ത്രാലയം തൊഴിൽ മേഖലയിൽ വൈദഗ്ധ്യമുള്ള തൊഴിലാളികളുടെ സേവനം ഉറപ്പുവരുത്തുന്നതിനുള്ള യോഗ്യതകൾ പരിശോധിക്കുന്ന പ്രഫഷനൽ അക്രഡിറ്റേഷൻ പ്രോഗ്രാമിൽ റെക്കോർഡ് നേട്ടം കൈവരിച്ചു. 1000 വ്യത്യസ്ത തൊഴിൽ ഇനങ്ങളിലായി 209500 തൊഴിലാളികളാണ് ഇതുവരെ അക്രഡിറ്റേഷൻ അംഗീകാരം നേടിയത്.

ഇതുവഴി കൂടുതൽ കാര്യക്ഷമവും ഉയർന്ന നിലവാരമുള്ളതുമായ തൊഴിൽ അന്തരീക്ഷം ഉറപ്പുനൽകുന്നതിനായി തൊഴിലുകളുടെ സൗദി സ്റ്റാൻഡേർഡ് ക്ലാസിഫിക്കേഷനുമായി യോജിപ്പിച്ച്, ഓരോ ഇനം തൊഴിൽ മേഖലയുടേയും വേണ്ടുന്ന തരത്തിൽ ആവശ്യമായ വൈദഗ്ധ്യവും യോഗ്യതയും പ്രവാസി തൊഴിലാളികൾക്ക് ഉണ്ടെന്ന് ഉറപ്പാക്കുകയാണ് പരിപാടി ലക്ഷ്യമിടുന്നതെന്ന് സൗദി പ്രസ് ഏജൻസി റിപ്പോർട്ട് ചെയ്തു.

പ്രോഗ്രാമിൽ പ്രഫഷനൽ പരിശോധനയും ഇൻസ്പെക്ഷൻ സേവനങ്ങളും ഉൾപ്പെടുന്നു, ഇവ രണ്ടും നിർദ്ദിഷ്ട മെക്കാനിസങ്ങളും രീതിശാസ്ത്രങ്ങളും അനുസരിച്ച് പ്രവർത്തിക്കുന്നു. ഉയർന്ന നൈപുണ്യമുള്ള ജോലികളിൽ പ്രവാസി തൊഴിലാളികളുടെ വൈദഗ്ധ്യം, അനുഭവപരിചയം, സർട്ടിഫിക്കേഷനുകൾ എന്നിവ പരിശോധിക്കാനാണ് പ്രഫഷനൽ വെരിഫിക്കേഷൻ സേവനം ലക്ഷ്യമിടുന്നത്.

ഈ പ്രക്രിയ പൂർണ്ണമായും ഓട്ടോമേറ്റഡ് ആണ്. കൂടതെ ഒരു ഏകീകൃത ഇലക്ട്രോണിക് പ്ലാറ്റ്‌ഫോമിലൂടെ ഇത് നടത്തപ്പെടുന്നത്. പരമാവധി 15 പ്രവൃത്തി ദിവസം മാത്രമാണ്  പരിശോധനകൾ പൂർത്തീകരിക്കാൻ എടുക്കുന്നുള്ളു. പ്രഫഷനൽ ഇൻസ്പെക്ഷൻ സേവനം, വിദ്യാഭ്യാസ ബിരുദങ്ങൾ ആവശ്യമില്ലാത്ത പ്രഫഷനുകളിൽ ഇടത്തരം, അടിസ്ഥാന നൈപുണ്യ നിലവാരമുള്ള തൊഴിലാളികളെ ലക്ഷ്യമിട്ടാണ് നടത്തുന്നത്.

തൊഴിലാളികൾ രാജ്യത്തേക്ക് പ്രവേശിക്കുന്നതിന് മുൻപും ശേഷവും നടത്തുന്ന പ്രായോഗികവും സൈദ്ധാന്തികവുമായ പരിശോധനകളിലൂടെ പ്രവാസി തൊഴിലാളികളുടെ നൈപുണ്യ നിലവാരവും ഇത് വിലയിരുത്തുന്നു. രാജ്യത്തിനകത്തും പുറത്തും ഏകദേശം 127 പ്രഫഷന ൽ പരീക്ഷാ കേന്ദ്രങ്ങൾ ഉപയോഗിക്കുമ്പോൾ തൊഴിലുടമകളെ അവർക്കുള്ള തൊഴിൽ ശക്തിയെ വിലയിരുത്താൻ പ്രോഗ്രാം പ്രാപ്തരാക്കുന്നു.

സൗദി തൊഴിൽ മേഖലയിൽ ഏറ്റവും കൂടുതൽ പ്രവാസി തൊഴിലാളികളെ എത്തിക്കുന്ന പാക്കിസ്ഥാൻ, ഇന്ത്യ, ബംഗ്ലാദേശ്, ശ്രീലങ്ക, ഈജിപ്ത് എന്നീ അഞ്ച് രാജ്യങ്ങൾ ഈ സേവനം ഉപയോഗിക്കുന്നു. കൂടുതൽ രാജ്യങ്ങളും കൂടുതൽ തൊഴിലുകളും ഉൾക്കൊണ്ടുകൊണ്ട് ഈ പ്രോഗ്രാം വളരുകയും വിപുലീകരിക്കുകയും ചെയ്യുന്നു.

ഇത് തൊഴിലുടമകളിലും സർക്കാർ, സ്വകാര്യ സ്ഥാപനങ്ങളിലും യോഗ്യരായ പ്രവാസി തൊഴിലാളികളെ നിയമിക്കുന്നതിന്റെ പ്രാധാന്യത്തെക്കുറിച്ചും തൊഴിൽ പ്രകടന നിലവാരം ഉറപ്പാക്കുന്നതിലും തൊഴിലാളികളുടെ പ്രഫഷനൽ യോഗ്യതകൾ മെച്ചപ്പെടുത്തുന്നതിലും അവബോധം വളർത്തുന്നതിന് കാരണമാകും. സൗദി അറേബ്യയിലേക്ക് ആവശ്യമായ അറിവും വൈദഗ്ധ്യവുമുള്ള തൊഴിലാളികളുടെ പ്രവേശനം നിയന്ത്രിക്കാനും വിശ്വസനീയമായ കഴിവുകളുള്ള തൊഴിൽ രംഗം സൃഷ്ടിക്കുന്നതിന് സംഭാവന നൽകാനും ഈ പ്രോഗ്രാം ലക്ഷ്യമിടുന്നു.