ഒ.ഐ.സി.സി കുവൈത്ത് ഇന്ദിരാ ഗാന്ധിയുടെ രക്ത സാക്ഷിത്വ ദിനാചരണം സംഘടിപ്പിച്ചു

കുവൈത്ത് സിറ്റി ∙ ഒഐസിസി കുവൈത്ത് നാഷനൽ കമ്മറ്റിയുടെ നേതൃത്വത്തിൽ മുൻ പ്രധാനമന്ത്രി ഇന്ദിരാ ഗാന്ധിയുടെ 40–ാം രക്ത സാക്ഷിത്വദിനാചരണം നടത്തി. അബ്ബാസിയ ഒഐസിസി ഓഫിസിൽ നടന്ന രക്ത സാക്ഷിത്വ ദിനാചരണം ഒഐസിസി നാഷനൽ പ്രസിഡന്‍റ് വർഗീസ് പുതുക്കുളങ്ങര ഭദ്രദീപം കൊളുത്തി ഉദ്ഘാടനം നിർവഹിച്ചു.  

ഒ.ഐ .സി.സി സംഘടനാ ചുമതലയുള്ള ജനറൽ സെക്രട്ടറി ബി.സ്. പിള്ള അധ്യക്ഷനായിരുന്നു.  ഇന്ദിര ഗാന്ധിയുടെ ഛായ ചിത്രത്തിൽ പുഷ്പാർച്ചന നടത്തി. മുതിർന്ന കോൺഗ്രസ് നേതാവും വീക്ഷണം പത്രത്തിന്‍റെ കുവൈത്ത് എഡിറ്ററുമായ കൃഷ്ണൻ കടലുണ്ടി, റെജി കൊരുത്, അലക്സ് മാനത്തവാടി, വിജോ തോമസ്, മാണി സി ചാക്കോ, തുളസീധരൻ തോട്ടക്കര, സജിത്ത് ചേലേമ്പ്ര, റോയ് ഇടുക്കി, ബിജു പാറയിൽ, മുനീർ മണത്തിൽ എന്നിവർ സംസാരിച്ചു.