കെഫാ ചാംപ്യൻ ലീഗ് ഫൈനൽ നാളെ

ദുബായ് ∙ ഫ്രാൻ ഗൾഫ് അഡ്വക്കേറ്റ്സ് ആജൽ കെഫാ ചാംപ്യൻസ് ലീഗ് നാലാം സീസണിലെ ഫൈനൽ നാളെ(ഞായർ) രാത്രി 8ന് ദുബായ് ഖിസൈസ് സ്റ്റാർ സ്കൂളിലെ അൽ ഐൻ ഫാം സ്റ്റേഡിയത്തിൽ  നടക്കും. കെ ഫോർ കട്ടൻ മാഞ്ചെസ്റ്റർ എഫ്സിയും  ബിൻ മൂസ ഗ്രൂപ്പ്‌ എഫ് സിയും തമ്മിൽ ഏറ്റുമുട്ടും. ടൂർണമെന്റിലെ മൂന്നാം സ്ഥാനക്കാരെ കണ്ടെത്താനുള്ള മത്സരത്തിൽ അബ്ബ്രിക്കോ ഫ്രൈറ്റ് എഫ്സിയും യുണൈറ്റഡ് കാലിക്കറ്റ്‌ എൽ സെവൻ എഫ് സിയും തമ്മിൽ വൈകിട്ട് ആറിന് കളത്തിലിറങ്ങും. 

തുടർന്ന് നടക്കുന്ന കെഫാ മാസ്റ്റേഴ്സ് ഫൈനലിൽ കൺട്രോൾ ഇലക്ട്രിക്കൽ എഫ് സി കാലിക്കറ്റും അൽബർഷ ടൈപ്പിങ് എഫ് സി ഷാർജയും തമ്മിൽ ഏറ്റുമുട്ടും. ഗ്രാന്‍‍ഡ് ഫൈനലിൽ യു എ ഇ പ്രൈം മിനിസ്റ്റേഴ്സ് ഓഫിസിലെ ചീഫ് ഓഫ് ഗവണ്മെന്റ് സർവീസസ്  മുഹമ്മദ് ബിൻ താലിയ വിശിഷ്ടാതിഥി ആയിരിക്കും.

സ്ത്രീകൾക്കുള്ള പാചക മത്സരം, കുട്ടികൾക്കുള്ള കലാ കായിക മത്സരങ്ങൾ,  കളരിപ്പയറ്റ് പ്രദർശനം എന്നിവ ഉണ്ടായിരിക്കും. എല്ലാ ഫുട്ബാൾ സ്നേഹികൾക്കും ഇരുന്ന് കളി കാണാൻ ഇതാദ്യമായി കെഫാ ചാംപ്ൻസ് ലീഗിന് ഫാൻസ്‌ സോണോട് കൂടിയുള്ള ഗാലറി കെഫാ ഒരുക്കിയതായി കെഫ(കേരള എക്സ്പാട് ഫുട്ബാൾ അസോസിയേഷൻ) ഭാരവാഹികൾ അറിയിച്ചു.