എൻആർഐ ഫ്രണ്ട്‌സ് ഫോറം ഡാൻസ് ഫെസ്റ്റ്

ഷാർജ ∙ എൻആർഐ ഫ്രണ്ട്‌സ് ഫോറം യുഎഇ ചാപ്റ്റർ വാർഷിക ആഘോഷങ്ങളുടെ ഭാഗമായി ഡാൻസ് ഫെസ്റ്റ് നടത്തി. ഒന്നാം സ്ഥാനം - അനന്താര ശ്വേത സൂരജ്‌, ഫൈൻ ആർട്ട്സ്‌, രണ്ടാം സ്ഥാനം - നാട്യകലാക്ഷേത്ര, മൂന്നാം സ്ഥാനം - പാസ്സി സ്പോട്ട്‌ മ്യൂസിക്‌ & ഡാൻസ്‌ ഇൻസ്റ്റിറ്റ്യൂട്ട് എന്നിവർ കരസ്ഥമാക്കി. 

നടൻ രൺജി പണിക്കർ ഉദ്ഘാടനം ചെയ്തു.  നടി സരയു മോഹൻ, ഡാൻസ് മാസ്റ്റർ പ്രജിൻ പ്രശോഭ് എന്നിവർ വിധി കർത്താക്കളായി. തുടർന്ന്  സാംസ്‌കാരിക സമ്മേളനത്തിൽ ജോർജ് ഓണക്കൂർ, മാതൃഭൂമി റിപ്പോർട്ടർ ഇ.ടി. പ്രകാശ്  എന്നിവരെ ആദരിച്ചു. ഇന്ത്യൻ അസോസിയേഷൻ വൈസ് പ്രസിഡന്റ്  പ്രദീപ് നെന്മാറ, ജനറൽ സെക്രട്ടറി പി. ശ്രീപ്രകാശ്, ട്രഷറർ ഷാജി ജോൺ, എൻആർഐ ഫ്രണ്ട്സ് ഫോറും പ്രസിഡന്റ്  പി.സി. ജേക്കബ്, സെക്രട്ടറി  മോനി ചെറിയാൻ, ട്രഷറർ സജു സാംബൻ, സ്റ്റാൻലി തോമസ്, രതീഷ് കുമാർ എന്നിവർ പ്രസംഗിച്ചു.