മർഹബ ലയൺസ് ക്ലബ് ഇയർ ഓഫ് ക്ലിയർ വിഷൻ ആദ്യ ക്യാംപ് നാളെ

ദുബായ് ∙ മർഹബ ലയൺസ് ക്ലബ്ബിന്റെ സാമൂഹിക സേവന പദ്ധതിയായ ഇയർ ഓഫ് ക്ലിയർ വിഷന്റെ പോസ്റ്റർ പ്രകാശനം ക്രിക്കറ്റർ മുത്തയ്യ മുരളീധരൻ നിർവഹിച്ചു.

വിവിധ എമിറേറ്റുകളിൽ ജോലി ചെയ്യുന്ന 3000 ദിർഹത്തിൽ താഴെ വരുമാനക്കാരായ തൊഴിലാളികൾക്ക് 6 മാസത്തിനുള്ളിൽ സൗജന്യ നേത്ര പരിശോധനയും കണ്ണട വിതരണവും നടത്തുന്നതാണ് പദ്ധതി. പ്രോജക്ടിന്റെ ഭാഗമായ ആദ്യ ക്യാംപ് ദുബായ് സോനാപ്പുർ ജിൻകോ കൺസ്ട്രക്‌ഷൻ കമ്പനിയുടെ സ്റ്റാഫ് അക്കോമൊഡേഷനിൽ നാളെ നടക്കും. രാവിലെ 9 മുതൽ വൈകിട്ട് നാലുവരെ നടത്തുന്ന ക്യാംപിൽ 300 തൊഴിലാളികളുടെ നേത്ര പരിശോധനയാണ് ലക്ഷ്യമിടുന്നത്. 6 മാസത്തിനുള്ളിൽ 15 ക്യാംപുകൾ സംഘടിപ്പിച്ച് 4500 തൊഴിലാളികളെ പരിശോധിക്കാനാണ് തീരുമാനമെന്ന് പ്രസിഡന്റ് ജിമ്മി കുര്യൻ, സെക്രട്ടറി മനോജ് മാത്യു, ട്രഷറർ ബിനിൽ മാത്യു , ടാനിഷ്‌ കുത്തൂർ എന്നിവർ പറഞ്ഞു.