ഒമാനിലെ മുദൈബിയില്‍ വാഹനാപകടം; രണ്ട് മരണം, 22 പേര്‍ക്ക് പരുക്ക്
Mail This Article
×
മസ്‌കത്ത് ∙ ഒമാനിലെ വടക്കന്‍ ശര്‍ഖിയ ഗവര്‍ണറേറ്റിലെ മുദൈബി വിലായത്തില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ രണ്ടു പേര്‍ മരിച്ചു. 22 പേര്‍ക്ക് പരുക്കേല്‍ക്കുകയും ചെയ്തതായി റോയല്‍ ഒമാന്‍ പൊലീസ് (ആര്‍ഒപി) അറിയിച്ചു. ഇബ്ര- മുദൈബി പാതയില്‍ വ്യാഴാഴ്ച പുലര്‍ച്ചെയോടെയാണ് അപകടമുണ്ടായത്.
ഏഴ് വാഹനങ്ങളാണ് അപകടത്തില്‍പ്പെട്ടതെന്ന് പൊലീസ് ട്രാഫിക് വിഭാഗം അറിയിച്ചു. പരുക്കേറ്റവരില്‍ ചിലരുടെ നില ഗുരുതരമാണ്. പരുക്കേറ്റവരെ ഇബ്ര ആശുപത്രിയിലേക്ക് മാറ്റി. ഗുരുതരമായി പരുക്കേറ്റവരെ ഇവിടെ നിന്നും നിസ്‌വ, സൂര്‍, ഖൗല, യൂനിവേഴ്‌സിറ്റി മെഡിക്കല്‍ സിറ്റി ആശുപത്രികളിലേക്കും മാറ്റി. ഇത്തരം ദുരന്തങ്ങള്‍ തടയാന്‍ ഡ്രൈവര്‍മാര്‍ ജാഗ്രതയും ട്രാഫിക് നിയമങ്ങളും പാലിക്കണമെന്ന് ആര്‍ഒപി ആവശ്യപ്പെട്ടു.
English Summary:
Car accident in Mudaibi, Oman; Two dead, 22 injured.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.