ഉപതിരഞ്ഞെടുപ്പ് വിജയം : ഒഐസിസി ആഹ്ലാദം പങ്കിട്ടു

കുവൈത്ത് സിറ്റി ∙ ഉപതിരഞ്ഞെടുപ്പ് നടന്ന വയനാട് ലോകസഭാ മണ്ഡലത്തിൽ പ്രിയങ്ക ഗാന്ധിയുടെ വിജയത്തിലും പാലക്കാട് നിയോജക മണ്ഡലത്തിൽ രാഹുൽ മാങ്കൂട്ടത്തിലിന്റെ വിജയത്തിലും ചേലക്കര നിയോജകമണ്ഡലത്തിൽ രമ്യ ഹരിദാസിന്റെ ശക്തമായ രാഷ്ട്രീയ പോരാട്ടത്തിലും ആഹ്ലാദം പങ്കിട്ടുകൊണ്ട് ഒഐസിസി നാഷനൽ കമ്മറ്റിയുടെ നേതൃത്വത്തിൽ മധുര പലഹാരങ്ങൾ വിതരണം ചെയ്തു. 

ഒഐസിസി ഓഫിസിൽ വച്ച് നടന്ന ആഘോഷ പരിപാടിയിൽ നാഷനൽ കമ്മറ്റി സംഘടനാ ചുമതലയുള്ള ജനറൽ സെക്രട്ടറി ബി.സ്. പിള്ള അധ്യക്ഷത വഹിച്ചു. വൈസ് പ്രസിഡന്റ് സാമുവൽ ചാക്കോ കാട്ടൂർ കളീക്കൽ ഉദ്ഘാടനം നിർവഹിച്ചു. നാഷനൽ സെക്രട്ടറിമാരായ സുരേഷ് മാത്തൂർ സ്വാഗതവും നിസ്സാം തിരുവനതപുരം നന്ദിയും പറഞ്ഞു.

ഒഐസിസി നാഷനൽ കമ്മിറ്റി സെക്രട്ടറി ജോയ് കരവാളൂർ , ഒഐസിസി നേതാക്കളായ കൃഷ്ണൻ കടലുണ്ടി, വിപിൻ മങ്ങാട്, അലക്സ് മാനന്തവാടി, ഇസ്മയിൽ പാലക്കാട്,  മാണി പി ചാക്കോ, എബി പത്തനംതിട്ട, ലിപിൻ മുഴക്കുന്ന് , സൂരജ് കണ്ണൻ, ചിന്നു റോയ്, രാമകൃഷ്ണൻ കല്ലാർ  എന്നിവർ ആശംസകൾ അറിയിച്ചു. ഒഐസിസി ജില്ലാ പ്രതിനിധികൾ, പോഷക സംഘടനാ പ്രതിനിധികൾ, യൂത്ത് വിങ് പ്രവർത്തകർ സംബന്ധിച്ചു.