വിലാസിനി U/A – അജേഷ് വേലായുധൻ എഴുതിയ കഥ

കൂടെ അഭിനയിക്കുന്ന ഒരുത്തിക്കു പോലും തന്റെയത്ര സൗന്ദര്യമില്ലെന്ന ചിന്ത ‘നായിക' എന്ന മോഹത്തെ അവളുടെ മനസ്സിൽ കെടാതെ തെളിച്ചിരുന്നു. അവൾ തുടക്കം കുറിച്ച ചിത്രം മുതലിങ്ങോട്ടെല്ലാം പരാജയങ്ങളായിരുന്നതിനാൽ അന്നു താൻ ഉദ്ദേശിച്ച കഥയുടെ മറ്റൊരു പതിപ്പ് ഒരുക്കാമെന്നും അവളെ നായികയാക്കാമെന്നും ചന്ദ്രശേഖരൻ ഉറപ്പു കൊടുത്തു. പ്രതിഫലമല്ലെങ്കിലും ഒരു കൊടുക്കൽവാങ്ങലെന്ന നിലയിൽ ചന്ദ്രശേഖരനും അയാളുടെ സുഹൃത്തായ നിർമാതാവിനും വേണ്ടിയിരുന്നത് അവരേറെ മോഹിച്ച അവളുടെ ശരീരമായിരുന്നു. അതും ഒറ്റത്തവണ മാത്രം. കമലയുടേതെന്ന് തോന്നിപ്പിക്കുന്ന നഗ്നതാപ്രദർശനങ്ങളും കുളി-സംഭോഗ രംഗങ്ങളും അവർ ഡ്യൂപ്പിനെ വച്ച് ചിത്രീകരിച്ചു. തൻറെ കരിയറിലെ ഏറ്റവും മികച്ച ചിത്രമാണ്, താൻ ഏറ്റവും ആത്മാർത്ഥമായി അഭിനയിച്ച ചിത്രമാണെന്നെല്ലാം കമല പല തവണ പറഞ്ഞിരുന്നതിനാൽ റിലീസിന് ശേഷം കാര്യങ്ങൾ തകിടം മറിഞ്ഞു.