ബ്ലാക്ക് ആൻഡ് വൈറ്റ് സെൽഫികൾ

റോബിൻ എഴുത്തുപുര

ഡി സി ബുക്സ്

വില: 180 രൂപ

റോബിന്റെ രചനകൾ തീർത്തും ലളിതമാണ്. ആശയങ്ങളെ അതീവലളിതമായി ആവിഷ്കരിച്ചിരിക്കുന്നു. പൂക്കളുറങ്ങുമ്പോൾ, കുന്നിക്കുരു, കരട്, ഇന്റർവ്യൂ, ട്രെയിൻ നമ്പർ, യുദ്ധം കെടുമ്പോൾ തുടങ്ങിയ കവിതകൾ ഉദാഹരണം.

ആവിഷ്കാരം ലളിതമെങ്കിലും റോബിൻ തരുന്ന ചിത്രങ്ങൾ അത്ര ലളിതമല്ല. അത് ഹൃദയത്തിൽ തറയ്ക്കുന്നവയാണ്. അപരിചിതത്വത്തിന്റെ സൗന്ദര്യം ഉൾക്കൊള്ളുന്നതുമാണ്. അപരിചിതമായ സൗന്ദര്യപ്രദേശത്തേക്ക് ലാളിത്യത്തിന്റെ തോണിയിൽ വായനക്കാരെ കൊണ്ടുപോകലാണ് കവിയെ കൂടുതൽ പ്രിയപ്പെട്ടവനാക്കുന്നത്.