കടത്തനാടൻ തത്തമ്മ – സതീഷ് കളത്തിൽ എഴുതിയ കവിത
![queen-story-lit Photo Credit: Representative image created using Perchance AI Image Generator](https://img-mm.manoramaonline.com/content/dam/mm/mo/literature/literaryworld/images/2024/7/2/queen-story-lit.jpg?w=1120&h=583)
Mail This Article
×
കടത്തനാടൻ കളരിയിലെയെൻ പ്രിയ
കള്ളിത്തത്തമ്മേ;- യെങ്ങുപ്പോയി നിൻ
കളമൊഴി;- യെൻ കളഭാഷിണി, നിൻ
കിളിമൊഴിയിന്നെങ്ങുപ്പോയി?
കളരിമുറ്റത്തെ കുത്തുവിളക്കിലെ
കരിയെടുത്തു കണ്ണെഴുതുമെൻ
കണ്ണഴകി; നിൻ കൺതടങ്ങളിലെ
കണ്മഷിയാരു കവർന്നുപ്പോയി?
കദളിവനത്തിൽ കലാധരനെ കാൺകെ,
കളരിയിൽനിന്നും ഞാനെത്തും നേരം
കന്മഷമകലുന്ന നാലുകെട്ടെന്തിനിന്നു
കനകചിലങ്കതൻ നാദം മറയ്ക്കുന്നു?
ഓമലാളേ;- യെൻ ചേലൊത്ത ചേകവത്തി,
ഓതിരം പയറ്റുന്നതെന്തിനു നീ;
കടകം കാട്ടുന്നതെന്തിനു നീ;
കടകം കൊതിക്കുന്നുവോയെന്നു ചൊല്ലൂ;
കള്ളക്കോലെന്തിനെന്നെന്നോടു ചൊൽവൂ;
കാഞ്ചനമാല പണിയിച്ചു തന്നിടാം ഞാൻ!
English Summary:
Malayalam Poem ' Kadathanadan Thathamma ' Written by Sathish Kalathil
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.