കടന്നുപോകുമീ കാൽവഴികൾ – ശരണ്യ സന്തോഷ് എഴുതിയ കവിത

ഒരു വെൺതാരകംപോൽ നീ നിൽപ്പു

നിന്റെ മന്ദസ്മിതമാം പരവതാനിയിൽ

അവിടെയുണ്ടോ ആകാശ വിസ്മയം

രാവിന്റെ മാറിൽ ചുംബിക്കുമീ നേരം..
 

ഓരോ രാവിൻ ശോഭയിലും പുതുവിസ്മയം

നീയൊരു മഞ്ഞുതുള്ളി 

ഈ രാവിൻ സൗന്ദര്യമേകുമി 

ഇലപൊഴിയും നാട്ടുവഴികൾ..
 

ഈ നേരവും കടന്നുപോകുവല്ലോ

മരങ്ങൾ പൊഴിക്കുമീ ഇലകൾ പോൽ 

നിന്നെ ഞാൻ തേടുന്നു

രാവിന്റെ മാറിൽ ചേർക്കാൻ കൊതിക്കും 

ഓരോ നിലാവും ഓരോ നേരവും.
 

ഒരു ഇലപൊഴിയും നേരം പോൽ 

നീ എന്റെ മേൽ വന്നുവല്ലോ സഖീ..

ദിനരാത്രങ്ങൾ കടന്നുപോകും ഈ രാവുകളിൽ

നീ തേൻകണമാകുന്നുവോ സഖീ...

നിന്നിൽ ഞാൻ അറിയുന്നു എന്നിലെ 

വാചാലമാ മനസ്സ്.