വിവാദങ്ങൾക്കിടെ പുതിയ ഫോട്ടോഷൂട്ടുമായി അനാർക്കലി: ചിത്രങ്ങൾ വൈറൽ

കാളി എന്ന ഫോട്ടോഷൂട്ട് ചിത്രങ്ങളുണ്ടാക്കിയ വിവാദങ്ങൾക്കിടെ നടി അനാർക്കലി മരക്കാർ തന്റെ പുതിയ ഫോട്ടോഷൂട്ട് ചിത്രങ്ങളുമായി രംഗത്ത്. ഒരു വിവാദങ്ങൾക്കും ഇട കൊടുക്കാതെ തന്റെ ആരാധകർക്കു വേണ്ടി മാത്രമായാണ് താരം ഇത്തവണ ഗംഭീര ചിത്രങ്ങളുമായി എത്തിയിരിക്കുന്നത്. 

വിവേക് സുബ്രഹ്മണ്യനാണ് നടിയുടെ പുതിയ ചിത്രങ്ങൾ ക്യാമറയിൽ പകർത്തിയിരിക്കുന്നത്. അധികം മേക്കപ്പില്ലാതെ എംബ്രോയ്ഡറി ഗൗൺ അണിഞ്ഞാണ് താരം ചിത്രങ്ങൾക്കായി പോസ് ചെയ്തത്. ഇരു കയ്യും നീട്ടി ആവേശത്തോടെയാണ് ആരാധകർ ചിത്രങ്ങൾ സ്വീകരിച്ചതും. 

‍നേരത്തെ കാളി ഫോട്ടോഷൂട്ട് ഉണ്ടാക്കിയ വിവാദത്തെക്കുറിച്ച് അനാർക്കലി പ്രതികരിച്ചത് ഇപ്രകാരമായിരുന്നു. ‘ഒരു തെറ്റ് ചെയ്യുന്നു എന്ന പൂര്‍ണ അറിവോടെയാണ് താന്‍ ഫോട്ടോ ഷൂട്ടില്‍ പങ്കെടുത്തത്. ഇത്തരം പിഴവ് ഇനി എന്റെ ഭാഗത്ത് നിന്നുണ്ടാകില്ല.’