‘സന്തോഷ’ത്തോടെ അമിത്തും അജിത്തും: ടൈറ്റിൽ പോസ്റ്റർ

അമിത് ചക്കാലയ്ക്കലിനെ നായകനാക്കി നവാഗതനായ അജിത്ത് തോമസ് സംവിധാനം ചെയ്യുന്ന ചിത്രം ‘സന്തോഷം’ ടൈറ്റിൽ പോസ്റ്റർ അനൗൺസ് ചെയ്തു. അർജുൻ സത്യൻ തിരക്കഥ എഴുതുന്ന ചിത്രം പേരുപോലെ തന്നെ ഫീല്‍ഗുഡ് സിനിമയാകും. കൈതി, പ്രീസ്റ്റ് തുടങ്ങിയ ചിത്രങ്ങളിലൂടെ ശ്രദ്ധേയായ ബേബി മോണിക്ക ചിത്രത്തിലൊരു പ്രധാനകഥാപാത്രത്തെ അവതരിപ്പിക്കുന്നുണ്ട്.

ജീത്തു ജോസഫ്, സുജിത് വാസുദേവ് എന്നിവർക്കൊപ്പം സംവിധാനസഹായിയായി പ്രവർത്തിച്ച അജിത്തിന്റെ ആദ്യ സംവിധാനസംരംഭമാണിത്. മെമ്മറീസ്, ദൃശ്യം, പാപനാശം തുടങ്ങിയ സിനിമകളുടെ അസോസിയേറ്റ് ഡയറക്ടർ ആയിരുന്നു അദ്ദേഹം.

ഇഷ പട്ടാളി, തുഷാർ എസ് എന്നിവർക്കൊപ്പം അജിത്തും ചേർന്നാണ് ‘സന്തോഷം’ നിര്‍മാണം. ഛായാഗ്രഹണം കാർത്തിക് എ. എഡിറ്റിങ് ജോൺകുട്ടി. സംഗീതം നോബിൻ പോൾ. വരും ദിവസങ്ങളിൽ ചിത്രത്തിന്റെ കൂടുതൽ വിവരങ്ങൾ പുറത്തുവിടും.