‘എൻ കനവേ...’; ഈ പ്രണയം ഹൃദയം തൊടും

പ്രണയദിനത്തോടനുബന്ധിച്ച് പുറത്തിറക്കിയ ‘എൻ കനവേ’ തമിഴ് സംഗീത വിഡിയോ ആസ്വാദകഹൃദയങ്ങൾ കീഴടക്കുന്നു. അനന്തകൃഷ്ണൻ സംവിധാനം നിർവിച്ച ഗാനത്തിൽ അതിമനോഹരമായ പ്രണയരംഗങ്ങളാണ് ആവിഷ്കരിച്ചിരിക്കുന്നത്. 

മിഥുൻ സജി റാം വരികളെഴുതി ഈണം പകർന്ന് ആലപിച്ച പാട്ട് ഇതിനോടകം ഏറെ ശ്രദ്ധിക്കപ്പെട്ടിരിക്കുകയാണ്. മിഥുൻ ഗാനരംഗത്തിൽ അഭിനയിച്ചിട്ടുമുണ്ട്. ആലാപനത്തിലും ദൃശ്യാവിഷ്കാരത്തിലും മുന്നിട്ടു നിൽക്കുന്ന പാട്ടിനു മികച്ച സ്വീകാര്യതയും ലഭിക്കുന്നു. 

സ്വാതി കിരണ്‌ അതിമനോഹരമായി ചിത്രീകരിച്ച ഗാനം ജയ് എഡിറ്റ് ചെയ്തിരിക്കുന്നു. ഗൗരിത ജി.നായർ, ബെൻ ഫിലിപ്പ്, സീന രാജേഷ്, അഞ്ജലി വർമ, ജോഹാൻ മാത്യു, അർജുൻ പി.ഗിരീഷ്, അമൽ ദേവ് എന്നിവരാണ് ഗാനരംഗത്തിലെ മറ്റ് അഭിനേതാക്കൾ.