‘ഇതെന്താ ഹരീഷേ, അളെ കണ്ടിട്ട് എനിക്ക് മനസ്സിലായില്ലല്ലോ’; ചിത്രയെക്കുറിച്ച് രസകരമായ കുറിപ്പ്

ഗായിക കെ.എസ്.ചിത്രയ്ക്കൊപ്പമുള്ള മനോഹര ചിത്രം പങ്കുവച്ച് ഗായകൻ ഹരീഷ് ശിവരാമകൃഷ്ണൻ. ചിത്ര ചേച്ചിയെ കണ്ടുമുട്ടിയത് തന്റെ ഭാഗ്യമാണെന്നു കുറിച്ചാണ് ഹരീഷ് ഹൃദ്യമായ ചിത്രം ആരാധകർക്കായി പങ്കുവച്ചത്. തമ്മിൽ കണ്ടപ്പോഴുണ്ടായ ചില സംഭാഷണശകലങ്ങളും ഹരീഷ് ശിവരാമകൃഷ്ണൻ അടിക്കുറിപ്പായി എഴുതിയിട്ടുണ്ട്. 

‘ഇതെന്താ ഹരീഷേ– മുടി വെട്ടി, മൂക്കുത്തി ഇട്ട് ആളെ കണ്ടിട്ട് മനസ്സിലായെ ഇല്ല എനിക്ക്’. ലാളിത്യത്തിന്റെയും സ്നേഹത്തിന്റെയും മൂർത്തീ ഭാവം, കേരളത്തിന്റെ വാനമ്പാടി ഇതിഹാസ ഗായിക ചിത്ര ചേച്ചിയെ കണ്ടുമുട്ടാൻ ഭാഗ്യം ലഭിച്ചു, എന്നാണ് ഹരീഷ് സമൂഹമാധ്യമങ്ങളിൽ കുറിച്ചത്. 

ഹരീഷ് ശിവരാമകൃഷ്ണന്റെ സമൂഹമാധ്യമ പോസ്റ്റ് ചുരുങ്ങിയ സമയം കൊണ്ട് ശ്രദ്ധേയമായിക്കഴിഞ്ഞു. നിരവധി പേരാണു കമന്റുകളുമായി എത്തുന്നത്. ഹരീഷിന്റെ പുതിയ ലുക്കിനെക്കുറിച്ചും ആരാധകർ പ്രതികരണങ്ങൾ അറിയിക്കുന്നുണ്ട്.