‘ലെറ്റ്സ് ഡാൻസ്’; ഗ്ലാമർ ലുക്കിൽ റീലുമായി സാനിയ ഇയ്യപ്പൻ, പ്രശംസയ്ക്കൊപ്പം വിമർശനവും
Mail This Article
നടി സാനിയ ഇയ്യപ്പൻ ഇൻസ്റ്റഗ്രാമിൽ പങ്കിട്ട റീൽ വിഡിയോ ആരാധകർക്കിടയിൽ ചർച്ചയാകുന്നു. ട്രെൻഡിങ് ആയ ‘ലെറ്റ്സ് ഡാൻസ്’ എന്ന ഓഡിയോ ആണ് റീലിന്റെ പശ്ചാത്തലത്തിൽ ഉപയോഗിച്ചിരിക്കുന്നത്. വിവിധ യാത്രാവേളകളിൽ നിന്നുള്ള ദൃശ്യങ്ങൾ കോർത്തിണക്കിയാണ് വിഡിയോ ഒരുക്കിയത്.
സാനിയയുടെ വിഡിയോ ഇതിനകം വലിയ ചർച്ചയായിക്കഴിഞ്ഞു. നിരവധി പേരാണു പ്രതികരണങ്ങൾ അറിയിക്കുന്നത്. സ്റ്റൈലിഷ് ലുക്കിലുള്ള സാനിയയുടെ വസ്ത്രധാരണ രീതിയും ശ്രദ്ധേയമായിക്കഴിഞ്ഞു. ചിലർ വസ്ത്രധാരണത്തെ പരോക്ഷമായി വിമർശിക്കുന്നുമുണ്ട്.
2012–ലെ ഓസ്കർ വേദിയിൽ അവതാരകയായി എത്തിയപ്പോൾ നടി എമ്മ സ്റ്റോൺ പറഞ്ഞ ‘ലെറ്റ്സ് ഡാൻസ്’ എന്ന വാക്കുകളാണ് അടുത്തിടെ ഓഡിയോ ക്ലിപ്പായി സമൂഹമാധ്യമങ്ങളിൽ പ്രചരിച്ചു തുടങ്ങിയത്. വൈകാതെ അത് ട്രെൻഡിങ്ങായി. പിന്നാലെ പ്രമുഖർ ഉൾപ്പെടെ നിരവധി പേർ ആ ഓഡിയോ പശ്ചാത്തലമാക്കി റീലുകൾ പങ്കുവച്ചിരുന്നു.
