1.07 കോടി വോട്ട് എവിടെ: കോൺഗ്രസ്

ന്യൂഡൽഹി ∙ വോട്ടെടുപ്പു ദിവസത്തെ കണക്കും തിരഞ്ഞെടുപ്പു കമ്മിഷന്റെ അന്തിമ കണക്കും തമ്മിലുള്ള ‘വലിയ വ്യത്യാസം’ ആശങ്കയുണ്ടാക്കുന്നതാണെന്ന് കോൺഗ്രസ്. ഇതേവരെയുള്ള വോട്ടെടുപ്പിൽ ഈ വ്യത്യാസം 1.07 കോടി വോട്ടുകളുടേതാണെന്ന് പാർട്ടി വക്താവ് പവൻ ഖേര ചൂണ്ടിക്കാട്ടി. 

ഈ വ്യത്യാസം മൂലം ഒരു മണ്ഡലത്തിൽ ശരാശരി 28,000 വോട്ടിന്റെ വർധനയാണ് ഉണ്ടായിട്ടുള്ളതെന്ന് എഐസിസി ജനറൽ സെക്രട്ടറി ജയറാം രമേശ് ചൂണ്ടിക്കാട്ടി. ഈ വ്യത്യാസം കൂടുതൽ പ്രകടമായത് ബിജെപി തോൽക്കാൻ സാധ്യതയുള്ള മണ്ഡലങ്ങളിലാണെന്നും അദ്ദേഹം പറഞ്ഞു.