മന്ത്രി ശിവൻകുട്ടിയെ പുകഴ്ത്തി സതീശൻ

തിരുവനന്തപുരം ∙ നിയമസഭയിൽ മന്ത്രി വി.ശിവൻകുട്ടിയെ പുകഴ്ത്തി പ്രതിപക്ഷനേതാവ് വി.ഡി.സതീശൻ. കഴിഞ്ഞ ദിവസം പ്രതിപക്ഷം ബഹളം വച്ചപ്പോൾ മന്ത്രി ശിവൻകുട്ടി വരെ എഴുന്നേറ്റുവന്ന് സഭയിൽ എങ്ങനെ പെരുമാറണമെന്നു ക്ലാസെടുക്കാൻ ശ്രമിച്ചെന്നു സതീശൻ പറഞ്ഞു.

ഇൗ സഭയിൽ ഏറ്റവും കൂടുതൽ ക്ലാസെടുത്തിട്ടുള്ളത് സതീശനാണെന്നു ശിവൻകുട്ടി മറുപടി നൽകി. അതു സതീശനുള്ള പ്രശംസയാണെന്നു സ്പീക്കർ ഇടപെട്ടു പറഞ്ഞു. അപ്പോഴായിരുന്നു സതീശന്റെ പുകഴ്ത്തൽ. വ്യക്തിപരമായി ഏറ്റവും നന്നായും മനോഹരമായും പെരുമാറുന്ന മന്ത്രിയും മന്ത്രിസഭയിൽ തനിക്ക് ഏറ്റവും ഇഷ്ടപ്പെട്ട മന്ത്രിയും ശിവൻകുട്ടിയാണെന്നു സതീശൻ പറഞ്ഞു. ഭരണപക്ഷവും പ്രതിപക്ഷവും അതിനെ ഡെസ്ക്കിൽ തട്ടി സ്വാഗതം ചെയ്തു.