ഉദ്ഘാടകയായ സിപിഎം കേന്ദ്ര കമ്മിറ്റിയംഗം എത്താൻ വൈകി; ജി.സുധാകരൻ പൊതുപരിപാടിയിൽനിന്ന് ഇറങ്ങിപ്പോയി– വിഡിയോ
![g-sudhakaran-angry g-sudhakaran-angry](https://img-mm.manoramaonline.com/content/dam/mm/mo/news/just-in/images/2024/6/15/g-sudhakaran-angry.jpg?w=1120&h=583)
Mail This Article
×
ആലപ്പുഴ∙ ചടങ്ങ് തുടങ്ങാൻ വൈകിയതിനെ തുടർന്ന്, കൃത്യസമയത്തെത്തി കാത്തിരുന്ന മുൻ മന്ത്രി ജി.സുധാകരൻ തിരികെ പോയി. സി.ബി.സി. വാരിയർ അനുസ്മരണ പരിപാടി തുടങ്ങാൻ വൈകിയതിനെ തുടർന്നാണ് സുധാകരൻ തിരികെ പോയത്. ഹരിപ്പാട്ടെ ചടങ്ങ് ശനിയാഴ്ച രാവിലെ 10നു തുടങ്ങുമെന്നായിരുന്നു അറിയിപ്പ്.
പത്തരയായിട്ടും ഉദ്ഘാടകയായ സിപിഎം കേന്ദ്ര കമ്മിറ്റിയംഗം സി.എസ്.സുജാത എത്തിയില്ല. അപ്പോഴേക്കും ചാരുംമൂട്ടിൽ ഒരു പരിപാാടിയിൽ പങ്കെടുക്കാനുണ്ടെന്ന് അറിയിച്ച് സുധാകരൻ തിരികെ പോയി.
സി.ബി.സി.വാരിയർ അവാർഡ് ഊരാളുങ്കൽ ലേബർ കോൺട്രാക്റ്റ് സൊസൈറ്റിക്കു സമ്മാനിക്കുകയായിരുന്നു സുധാകരന്റെ ചുമതല. വിദ്യാഭ്യാസ അവാർഡുകൾ സമ്മാനിക്കേണ്ട മന്ത്രി സജി ചെറിയാനും ചടങ്ങിന് എത്തിയില്ല. അധ്യക്ഷനാകേണ്ട സിപിഎം ജില്ലാ സെക്രട്ടറി ആർ.നാസറും സമയത്ത് എത്തിയിരുന്നില്ല.
English Summary:
G Sudhakaran Leaves Alappuzha Ceremony After Delay
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.