കെഎസ്ആർടിസി എംപാനൽ ജീവനക്കാരുടെ ഗ്രാറ്റുവിറ്റി: അപേക്ഷയിൽ തീരുമാനമെടുക്കാൻ കോടതി നിർദേശം

കൊച്ചി ∙ കെഎസ്ആർടിസിയിൽ ദിവസവേതനത്തിനു ജോലി ചെയ്യുന്ന എംപാനൽ ജീവനക്കാരുടെ ഗ്രാറ്റുവിറ്റി അനുവദിക്കാനുള്ള അപേക്ഷ പരിഗണിച്ച് തീരുമാനമെടുക്കാൻ ബന്ധപ്പെട്ട അധികൃതർക്ക് ഹൈക്കോടതി നിർദേശം. ഇതുമായി ബന്ധപ്പെട്ട സിംഗിൾ ബെഞ്ച് ഉത്തരവ് ശരിവച്ചുകൊണ്ടാണ് ജസ്റ്റിസുമാരായ അമിത് റാവൽ, എസ്.ഈശ്വരൻ എന്നിവരുടെ ബെഞ്ചിന്റെ നിർദേശം. 

തുടർച്ചയായ അഞ്ചു വർഷം സർവീസുള്ള ജീവനക്കാർക്ക് ഗ്രാറ്റുവിറ്റിക്ക് അർഹതയുണ്ടെന്ന് 2015 മേയിൽ സർക്കാർ ഉത്തരവിട്ടിരുന്നു. ഈ ഉത്തരവ് ചോദ്യം ചെയ്തുള്ള ഹർ‌ജി പരിഗണിച്ചു കൊണ്ടായിരുന്നു തീരുമാനമെടുക്കാൻ സിംഗിൾ ബെഞ്ച് ഉത്തരവിട്ടിരുന്നത്. തുടർന്ന് കെഎസ്ആർടിസി ഇതിനെതിരെ അപ്പീൽ നൽകുകയായിരുന്നു.