മലബാർ സ്പെഷൽ മസാല എഗ്ഗ് ഫ്രൈ 

മലബാറുകാർക്ക് ഇത് മുട്ട വരയിട്ട് പൊരിച്ചതാണ്. സാധാരണയിൽ നിന്നും വ്യത്യസ്തമായി നമുക്കിതൊന്നു ഉണ്ടാക്കി നോക്കാം.

ചേരുവകൾ 

• മുട്ട –  5 എണ്ണം
  
• വെള്ളം – ആവശ്യത്തിന് 
• വെളിച്ചെണ്ണ – 1 ടേബിൾസ്പൂൺ 
• കാശ്മീരി മുളക് പൊടി – 1 ടീസ്പൂൺ 
• മഞ്ഞൾപൊടി – 1/2 ടീസ്പൂൺ
• ഗരം മസാല – 1/4 ടീസ്പൂൺ
• ഉപ്പ് – ആവശ്യത്തിന്
• കറിവേപ്പില – 1 തണ്ട് 

തയാറാക്കുന്ന വിധം 

• മുട്ട ആവശ്യത്തിന് വെള്ളം ചേർത്തു പുഴുങ്ങി എടുക്കുക. തൊലി കളഞ്ഞ ശേഷം കത്തി കൊണ്ട് വരയിടുക.
• ഒരു പാനിൽ വെളിച്ചെണ്ണ ഒഴിച്ചു ചെറിയ തീയിൽ വെച്ച ശേഷം എല്ലാ മസാലകളും കറിവേപ്പിലയും ഇതിലേക്ക് ചേർത്തു കൊടുക്കുക. വരഞ്ഞു വെച്ച മുട്ടയും ചേർത്തു കൊടുക്കുക.
• ഒരു മൂടി കൊണ്ട് അടച്ചു വെച്ച് നന്നായി മസാല മുട്ടകളിൽ നന്നായി പിടിക്കുന്നത് വരെ കുലുക്കി കൊടുക്കുക.
• മീഡിയം തീയിൽ മൊരിയിച്ചെടുക്കുക.
• ചൂടോടെ ചായക്കൊപ്പവും മറ്റു ഭക്ഷണങ്ങൾക്കൊപ്പം ഫ്രൈ ആയും കഴിക്കാം

English Summary: Egg Fry Recipe