ചെറുപയർ കറി, രുചിയിലും മണത്തിലും മുൻപിൽ

രുചിയിലും മണത്തിലും മുൻപിൽ നിൽക്കുന്ന  മധ്യതിരുവിതാംകൂർ  സദ്യ സ്പെഷൽ വറുത്തുപൊടിച്ച് പരിപ്പ്  (ചെറുപയർ കറി). 

ചേരുവകൾ

• ചെറുപയർ - ½ കപ്പ് 
• തേങ്ങ - ½ കപ്പ് 
• ജീരകം - ¼ ടീസ്പൂൺ 
• ചെറിയുള്ളി -3 എണ്ണം 
• പച്ചമുളക് - 1 എണ്ണം 
• കറിവേപ്പില – ആവശ്യത്തിന് 
• വെളിച്ചെണ്ണ - 1½ ടേബിൾസ്പൂൺ 
• കടുക് – ആവശ്യത്തിന് 
• ഉപ്പ് – ആവശ്യത്തിന് 
• മഞ്ഞൾപ്പൊടി - ¼ ടീസ്പുൺ 

തയാറാക്കുന്ന വിധം 

∙കഴുകി വൃത്തിയാക്കി വെള്ളം തോർത്ത ചെറുപയർ, വറുത്തെടുത്ത ശേഷം തൊണ്ട് കളയുക.

∙തൊണ്ട് കളയാനായി മിക്സിയിൽ ഒന്ന് കറക്കി, നല്ലതുപോലെ പാറ്റിയെടുക്കുക

∙വൃത്തിയാക്കിയ ചെറുപയർ പ്രഷർ കുക്കറിൽ വെള്ളവും പച്ചമുളകും ഉള്ളിയും ഉപ്പും കറിവേപ്പിലയും ചേർത്ത് മുക്കാൽ ഭാഗം വേവിച്ചെടുക്കുക.

∙തേങ്ങ, ജീരകം, മഞ്ഞൾപ്പൊടി എന്നിവ നല്ലതുപോലെ അരച്ചെടുത്ത ശേഷം വേവിച്ചുവെച്ച ചെറുപയറും കൂടി  ചേർത്ത് ഇളക്കി ഉടച്ചെടുക്കുക.

∙കടുക് താളിക്കാൻ വെളിച്ചെണ്ണ ചൂടാക്കി കടുക് പൊട്ടിച്ച് കറിവേപ്പില, ഉള്ളി, വറ്റൽ മുളക് എന്നിവ ചേർത്ത് മൂപ്പിച്ച ശേഷം കറിയിലേക്ക് ഒഴിച്ച് ഇളക്കിയെടുക്കുക. വ്യത്യസ്തമായ രുചിയിൽ ഉള്ള ഈ പരിപ്പ് പപ്പടവും കൂട്ടി കഴിക്കാൻ കേമമാണ്.