ഉള്ളം തണുപ്പിക്കാൻ വ്യത്യസ്ത രുചിയിലൊരു നാരങ്ങാ വെള്ളം

പുറത്തും അകത്തും ചൂട് കൂടുമ്പോൾ ഉള്ളം തണുപ്പിക്കാൻ ഒരു സ്പെഷൽ നാരങ്ങാവെള്ളം.

ചേരുവകൾ 

• ചെറുനാരങ്ങ - 1 
  
• ഇഞ്ചി - ചെറിയ കഷ്ണം
• ഏലയ്ക്ക - 1 
• പഞ്ചസാര - ആവശ്യത്തിന് 
• ചിരകിയ തേങ്ങ - കാൽകപ്പ് 
• വെള്ളം - 2 കപ്പ് 
• ഐസ് ക്യൂബ്സ് – ആവശ്യത്തിന്

ഉണ്ടാക്കുന്ന വിധം 

നാരങ്ങയുടെ തൊലിയും കുരുവും കളഞ്ഞു മുറിച്ചെടുക്കുക. മിക്സിയിലേക്ക് പഞ്ചസാര, ഏലയ്ക്ക എന്നിവ ചേർത്ത് പൊടിക്കുക .ഇതിലേക്കു ഇഞ്ചി, ചെറുനാരങ്ങ മുറിച്ചത്, തേങ്ങ, വെള്ളം, ഐസ് ക്യൂബ്സ് ചേർത്ത് നന്നായി അടിച്ചെടുക്കുക .അരിച്ചെടുത്തതിന് ശേഷം തണുപ്പോടെ സെർവ് ചെയ്യാം.