മാമ്പഴവും പാലും ചേർത്തൊരു സൂപ്പർ കൂൾ ഡ്രിങ്ക്

മാമ്പഴം കൊണ്ട്  ഉണ്ടാക്കാൻ വളരെ എളുപ്പത്തിൽ ടേസ്റ്റി ഡെസേർട്ട് ഇതാ...

ചേരുവകൾ 

• പഴുത്ത മാമ്പഴം - 1 
• പാൽ - 2 കപ്പ് 
• പഞ്ചസാര - അരക്കപ്പ് 
• വാനില എസൻസ് - 1 ടീസ്പൂൺ
• കസ്റ്റാർഡ് പൗഡർ - 4 ടേബിൾസ്പൂൺ
• ചെറി 
• മാമ്പഴം കഷ്ണങ്ങളാക്കിയത് - അരക്കപ്പ് 
• കാഷ്യു - 2 ടേബിൾസ്പൂൺ
• ബദാം - 2 ടേബിൾസ്പൂൺ

തയാറാക്കുന്ന വിധം

• മാമ്പഴം തൊലി കളഞ്ഞു മുറിച്ചു മിക്സിയിൽ ഇട്ടു വെള്ളം ചേർക്കാതെ അരച്ചെടുത്തു മാറ്റിവയ്ക്കുക.
• പാൽ പഞ്ചസാര എന്നിവ ചേർത്ത് തിളപ്പിക്കുക. 
• ഇതിലേക്കു കസ്റ്റാർഡ് പൗഡർ പാലിൽ കലക്കി ഒഴിച്ച് കൊടുത്തു വേവിക്കുക, വാനില എസൻസ് ചേർക്കുക.
• ഇതിലേക്കു അരച്ചുവച്ച മാമ്പഴത്തിന്റെ പേസ്റ്റ് ചേർത്തിളക്കുക.
• തീ ഓഫ് ചെയ്തു മാമ്പഴം കഷ്ണങ്ങളാക്കിയത്, അണ്ടിപ്പരിപ്പ്, ബദാം എന്നിവ ചേർത്തിളക്കി ചൂടാറാൻ വയ്ക്കുക.
• ശേഷം തണുപ്പിച്ച് വിളമ്പാം. 
• ചെറി, മംഗോ കഷ്ണങ്ങൾ വച്ച് അലങ്കരിക്കാം.

English Summary : Mango dessert, Super Cool Recipe.