തന്തൂരി ഫ്ലേവർഡ് ചിക്കൻ ഫ്രൈ, ചപ്പാത്തിക്കും ചോറിനും കൂട്ടാം

ഫ്രൈയിങ് പാനിൽ തയാറാക്കാം ഉഗ്രൻ രുചിയിലൊരു ചിക്കൻ ഫ്രൈ.

ചേരുവകൾ

• ചിക്കൻ - 300 ഗ്രാം
• മുളകുപൊടി - 2 ടേബിൾ സ്പൂൺ
• മഞ്ഞൾപ്പൊടി - 1/4 ടീസ്പൂൺ
• ജീരകം പൊടി അല്ലെങ്കിൽ ജീരകം - 1/4 ടീസ്പൂൺ
• തൈര് - 2 ടേബിൾ സ്പൂൺ
• ഇഞ്ചി - ഒരു ചെറിയ കഷ്ണം
• വെളുത്തുള്ളി - 2 വലിയ അല്ലി അല്ലെങ്കിൽ 3 ചെറിയ അല്ലി
• ഉപ്പ് - 1/2 ടീസ്പൂൺ
• ഒലിവ് ഓയിൽ - 2 ടേബിൾ സ്പൂൺ

തയാറാക്കുന്ന വിധം

ചിക്കൻ കഴുകി വൃത്തിയാക്കുക.

ഒരു അരിപ്പയിലൂടെ ചിക്കനിൽ ഉള്ള വെള്ളം അരച്ചെടുക്കുക.

മുളകുപൊടി, മഞ്ഞൾപ്പൊടി, ജീരകം, ഇഞ്ചി, വെളുത്തുള്ളി, ഉപ്പ്, തൈര് എന്നിവ ഉപയോഗിച്ച് ഒരു പേസ്റ്റ് ഉണ്ടാക്കുക.

ഈ പേസ്റ്റ് ഉപയോഗിച്ച് ചിക്കൻ മാരിനേറ്റ് ചെയ്യുക. 

2 മണിക്കൂർ ഫ്രീസറിൽ സൂക്ഷിക്കുക.

ഒരു ഫ്രൈയിങ് പാൻ ചൂടാക്കി 2 ടേബിൾ സ്പൂൺ ഒലിവ് ഓയിൽ ഒഴിച്ച് ചൂടാകുമ്പോൾ ചിക്കൻ ചേർത്ത് ഇടത്തരം തീയിൽ ഒരു വശം 8 മിനിറ്റ് വേവിക്കുക. മറുവശം 8 മിനിറ്റ് കൂടിവേവിക്കുക.

ഫ്രൈയായി കഴിഞ്ഞാൽ  പാനിൽ നിന്ന് നീക്കം ചെയ്ത് ചൂടോടെ വിളമ്പുക.

English Summary : Tandoori Flavoured Chicken Fry.