വറുത്ത പപ്പടം, മെഴുക്കുവരട്ടി രുചിയിൽ

ചെറിയ കഷ്ണങ്ങളായി മുറിച്ചെടുത്ത പപ്പടം, വറുത്ത് തയാറാക്കുന്ന സ്വാദിഷ്ടമായ മെഴുക്കുവരട്ടി.

ചേരുവകൾ

• പപ്പടം – 5
• ചെറിയ ഉള്ളി  - 20 എണ്ണം
• മുളകുചതച്ചത് - 1 1/2 ടീസ്പൂൺ
• എണ്ണ - വറുത്തെടുക്കുന്നതിന് 
• വെളിച്ചെണ്ണ - 2 ടേബിൾ സ്പൂൺ
• ഉപ്പ് - 1/4 ടീസ്പൂൺ
• കറിവേപ്പില

തയാറാക്കുന്ന വിധം

• ചെറിയ ഉള്ളി  ചതച്ചെടുക്കുക.
• പപ്പടം ചെറിയ കഷ്ണങ്ങളാക്കി മുറിച്ച്, എണ്ണയിൽ വറുത്തെടുക്കുക.
• ഒരു ഫ്രൈയിങ് പാൻ ചൂടാക്കി വെളിച്ചെണ്ണ ചേർക്കുക.
• ചൂടുള്ള എണ്ണയിൽ കുറച്ചു കറിവേപ്പില ചേർക്കുക.
• ചതച്ച ചെറിയ ഉള്ളി  ചേർത്തു കുറച്ചു നേരം വഴറ്റുക.
• ചെറിയ ഉള്ളിക്ക് ആവശ്യമായ ഉപ്പ് ചേർക്കുക. 
• ചതച്ച മുളകു ചേർത്തു സവാള ഇളം ബ്രൗൺ നിറമാകുന്നതുവരെ വഴറ്റുക. 
• വറുത്ത പപ്പടം ചേർത്തു നന്നായി ഇളക്കുക.
• ചൂടോടെ വിളമ്പുക.

English Summary : Pappadam mezhukkupuratti, Lunch special.