പഴുത്ത റോബസ്‌റ്റാ പഴം ചേർത്ത് സ്വാദിഷ്ടമായ ചോക്ലേറ്റ് ബ്രഡ്

നല്ല പഴുത്ത റോബസ്‌റ്റാ പഴം പാഴാക്കാതെ സ്വാദിഷ്ടമായ ചോക്ലേറ്റ് ബ്രഡ് തയാറാക്കുന്നത് എങ്ങനെയെന്നു നോക്കാം.

ചേരുവകൾ 

• പഴുത്ത റോബസ്റ്റ പഴം - 300 ഗ്രാം
• ബേക്കിങ് സോഡ - 1 ടീസ്പൂൺ 
• കൊക്കോ പൗഡർ - 1/4 കപ്പ് 
• മൈദ മാവ്‌ - 1 1/4 കപ്പ് 
• ഉപ്പ് - 1/4  ടീസ്പൂൺ
• ബട്ടർ - 1/2  കപ്പ്
• പഞ്ചസാര - 1 കപ്പ് 
• മുട്ട - 2 എണ്ണം  
• വാനില എസൻസ് - 1 ടീസ്പൂൺ 
• തൈര് - 1/4 കപ്പ് 
• ചോക്കോ ചിപ്സ് - 1/3 കപ്പ്

തയാറാക്കുന്ന വിധം 

• ഒരു ബൗളിൽ റോബസ്റ്റാ പഴം തടി തവി ഉപയോഗിച്ചു കഷണങ്ങളൊന്നുമില്ലാതെ നന്നായി മയപ്പെടുത്തി പ്യൂരിയാക്കി മാറ്റിവയ്ക്കുക.
• ശേഷം മൈദ മാവ്‌, ഉപ്പ്, ബേക്കിങ് സോഡാ, കൊക്കോ പൗഡർ എന്നിവ നന്നായി യോജിപ്പിച്ചു അരിപ്പയിൽ അരിച്ചു മാറ്റി വയ്ക്കുക.
• അത്യാവശ്യം വലിപ്പമുള്ള ബൗളിൽ ബട്ടർ, പഞ്ചസാര എന്നിവ നന്നായി ബീറ്റ് ചെയ്ത് അതിലേക്കു മുട്ട ഓരോന്നായി ചേർത്തു, വാനില എസൻസും ചേർത്തു യോജിപ്പിച്ചെടുക്കുക.
• ശേഷം അരിച്ചു മാറ്റിവച്ച മാവും പഴം പ്യൂരീയും കുറേശ്ശെ ചേർത്തു ഫോൾഡ്‌ ചെയ്തു ബേക്കിങ് പാനിലേക്ക് എടുത്തു ചോക്കോചിപ്‌സ്‌ ബാറ്ററിനു മുകളിൽ വിതറി ടാപ്പ് ചെയ്തു വയ്ക്കുക.
• ഇനി 350 ഡിഗ്രി F പ്രീ ഹീറ്റ് ചെയ്ത അവ്നിൽ 45 മുതൽ 50 മിനിറ്റു വരെ ബേക്ക് ചെയ്തു തണുക്കുമ്പോൾ മുറിച്ച് എടുക്കാം.

Content Summary : Double chocolate banana bread recipe.