പനിക്കൂർക്ക ഇലയും കാപ്പി പൊടിയും ചേർത്തൊരു ചുക്ക് കാപ്പി

സാധാരണ ചുക്ക് കാപ്പിയിൽ നിന്നും വ്യതസ്തമായ ഒരു സ്പെഷൽ ചുക്ക് കാപ്പി.

ചേരുവകൾ

• ചുക്ക് - 1 ഇഞ്ച് വലുപ്പത്തിൽ
• കുരുമുളക് - 1/2 ടീസ്പൂൺ
• ജീരകം - 1/2 ടീസ്പൂൺ
• പനികൂർക്ക ഇല -  2 എണ്ണം
• ശർക്കര - 1/2 പീസ്
• വെള്ളം - 1.5 കപ്പ്‌
• കാപ്പി പൊടി - 1/4 ടീസ്പൂൺ 

തയാറാക്കുന്ന വിധം

• ചുക്ക്, കുരുമുളക്, ജീരകം ഇവ ചതച്ചെടുക്കുക. ഒരു പാത്രത്തിൽ വെള്ളം തിളയ്ക്കുവാൻ വയ്ക്കുക. 
• അതിലേക്കു ചതച്ചു വച്ചിട്ടുള്ള ചുക്കിന്റെ മിക്സ്‌ ഇട്ടു കൊടുക്കുക. 
• ശർക്കരയും ചേർത്തു കൊടുക്കുക. 
• തിളയ്ക്കുവാൻ തുടങ്ങുമ്പോൾ രണ്ടോ മൂന്നോ പനിക്കൂർക്ക ഇലയും കാപ്പി പൊടിയും  കൂടി ചേർത്തു കൊടുത്ത് 5 മിനിറ്റു ചെറുതീയിൽ തിളപ്പിക്കുക. അരിച്ചെടുത്ത ശേഷം കുടിക്കാം.

Content Summary : Ginger coffee recipe by Prabha.