തിരുവാതിര സ്പെഷൽ കൂവ പായസം

തിരുവാതിര ദിവസം സ്പെഷലായി തയാറാക്കാവുന്ന കൂവ പായസം.

ചേരുവകൾ

• കൂവ പൊടി  - 1/3 കപ്പ്
• വെള്ളം -  2 കപ്പ്‌
• ശർക്കരപാനി - 1.5 കപ്പ്‌ 
• നെയ്യ് - 2 ടീസ്പൂൺ
• തേങ്ങ - 1/4 കപ്പ്‌
• ഏലക്കായ പൊടിച്ചത് - 1/4 ടീസ്പൂൺ 

തയാറാക്കുന്ന വിധം

കൂവപ്പൊടിയും വെള്ളവും ചേർത്തു കട്ടയില്ലാതെ കലക്കുക. ഈ കൂട്ടിനെ  ചെറു തീയിൽ വച്ചു കുറുക്കി വേവിക്കുക. വെന്തു വരുമ്പോൾ ശർക്കര പാനി ചേർത്തു വേവിക്കുക. 1 ടീസ്പൂൺ നെയ്യ് കൂടി ചേർത്തു കൊടുക്കുക. വെന്തു കുറുകി വരുമ്പോൾ തേങ്ങയും ഏലക്കായ പൊടിച്ചതും 1 ടീസ്പൂൺ നെയ്യും കൂടി ചേർത്ത് ഇളക്കുക. കൂവ പായസം തയാർ.

Content Summary : Arrowroot payasam recipe by Prabha.