മുട്ട സാലഡ് സിംപിളാണ്...

മുട്ടപുഴുങ്ങിയതു കൊണ്ട് ഇങ്ങനെയൊരു സാലഡ് തയാറാക്കി നോക്കൂ.

1. മുട്ട പുഴുങ്ങിയത് – 2
2. സവാള–1, തക്കാളി–1, കാരറ്റ് ചെറുത്–1, മല്ലിയില അരിഞ്ഞത്–1 വലിയ സ്പൂൺ പച്ചമുളക് – 2, കാപ്സികം – പകുതി.
3. ജീരകപ്പൊടി – ഒരു നുള്ള്
4. നാരങ്ങ നീര് – 1 ടീസ്പൂൺ
5. ഉപ്പ് – പാകത്തിന്

തയാറാക്കുന്ന വിധം

മുട്ട പുഴുങ്ങിയത് ചെറുതായി മുറിച്ചുവയ്ക്കുക. 2–ാം ചേരുവ പൊടിയായി അരിഞ്ഞ് ഒരു ബൗളിൽ ഇട്ട് ജീരകപ്പൊടിയുമായി മിക്സ് ചെയ്തുവയ്ക്കുക. വിളമ്പാൻ നേരം ഉപ്പും നാരങ്ങാ നീരുമായി യോജിപ്പിക്കുക. അവസാനം മുട്ട ചേർത്തു വിളമ്പാം.