മോദി ബജറ്റിൽ ആശങ്ക: ഓഹരി വിപണിക്ക് പിന്നിടേണ്ടത് ആശങ്കയുടെ വൻമതിൽ

ഉത്സാഹമുണ്ട്. മുന്നേറ്റത്തിനു കരുത്തുമുണ്ട്. ഓഹരി വിപണിക്കു പക്ഷേ, ഈ ആഴ്ച പിന്നിടേണ്ടത് ആശങ്കയുടെ വൻമതിലാണ്. മോദി സർക്കാരിന്റെ മൂന്നാമൂഴത്തിലെ ആദ്യ ബജറ്റ് നിർദശങ്ങളെക്കുറിച്ചുള്ള ആശങ്കകളുടെ വൻമതിൽ. ബജറ്റിനു തൊട്ടുമുൻപുള്ള വ്യാപാരവാരത്തിന്റെ സ്വഭാവം മുൻകാലങ്ങളിൽ എങ്ങനെയായിരുന്നുവെന്നു പരിശോധിച്ചാൽ വ്യക്തമാകുന്നതു കൂടുതൽ സന്ദർഭങ്ങളിലും നിഫ്റ്റിയുടെ പ്രതികരണം നിലവിലെ പ്രവണതയ്ക്കു വിരുദ്ധമായിരുന്നുവെന്നാണ്. നിക്ഷേപകരിലെ ഒരു വിഭാഗത്തിന്റെ ആശങ്കയ്ക്ക് അടിസ്ഥാനവും ഇതുതന്നെ. ജൂലൈ 15ന് ആരംഭിക്കുന്ന വ്യാപാരവാരം നാലു ദിവസത്തിലൊതുങ്ങുന്നതാണ് എന്നതും മുന്നേറ്റത്തിന് അത്ര അനുകൂലമല്ല.