യോഗ്യത പത്താം ക്ലാസ് മതി; സ്ഥിരവരുമാനക്കാരാകാം, അവസരം നവംബർ 25 വരെ

പത്താം ക്ലാസും അപ്രന്റിസായുള്ള ജോലി പരിചയവും മാത്രം മതി സ്ഥിരവരുമാനക്കാരാകാം. സ്റ്റീൽ അതോറിറ്റി ഒാഫ് ഇന്ത്യയ്ക്കു കീഴിൽ ജാർഖണ്ഡിലെ ബൊക്കാറോ സ്‌റ്റീൽ പ്ലാന്റിലാണ് അവസരം. 85 അറ്റൻഡന്റ് കം ടെക്‌നിഷ്യൻ ട്രെയിനി ഒഴിവുകളാണുള്ളത്. 2 വർഷ പരിശീലനത്തിനു ശേഷം റഗുലർ നിയമനം. ഒാൺലൈനായി നവംബർ 25 വരെ അപേക്ഷിക്കാം.

∙യോഗ്യത: പത്താം ക്ലാസ്, നാഷനൽ അപ്രന്റിസ്ഷിപ് സർട്ടിഫിക്കറ്റ് (എൻസിവിടി), ഇന്റഗ്രേറ്റഡ് സ്റ്റീൽ പ്ലാന്റിൽനിന്ന് ബന്ധപ്പെട്ട ട്രേഡിൽ ഒരു വർഷ അപ്രന്റിസ്ഷിപ് പരിശീലനം നേടിയിരിക്കണം.

∙പ്രായപരിധി: 28. അർഹർക്ക് ഇളവ്.

∙ശമ്പളം: പരിശീലനകാലയളവിൽ ആദ്യ വർഷം 12,900 രൂപയും രണ്ടാം വർഷം 15,000 രൂപയും ലഭിക്കും. തുടർന്ന് എസ് 1 ഗ്രേഡിൽ 25,070-35,070 ശമ്പളത്തോടെ നിയമനം. www.sail.co.in