റെയിൽവേ പൊലീസിൽ കോൺസ്റ്റബിൾ, എസ്ഐ അവസരം; യോഗ്യത പത്താം ക്ലാസും ബിരുദവും, സ്ത്രീകൾക്കും അപേക്ഷിക്കാം
Mail This Article
റെയിൽവേ പ്രൊട്ടക്‌ഷൻ ഫോഴ്സ്, റെയിൽവേ സ്പെഷൽ പ്രൊട്ടക്‌ഷൻ ഫോഴ്സ് എന്നിവിടങ്ങളിൽ 4,208 കോൺസ്റ്റബിൾ, 452 സബ് ഇൻസ്പെക്ടർ ഒഴിവുകളിലേക്ക് ഒാൺലൈനായി മേയ് 14 വരെ അപേക്ഷിക്കാം. സ്ത്രീകൾക്കും അവസരമുണ്ട്.
∙RPF 01/2024 & RPF 02/2024 ആണ് സെൻട്രലൈസ്‌ഡ് എംപ്ലോയ്‌മെന്റ് നോട്ടിസ് നമ്പർ.
കോൺസ്റ്റബിൾ തസ്തികയിൽ പത്താം ക്ലാസ്/തത്തുല്യയോഗ്യതയുള്ള 18–28 പ്രായക്കാർക്ക് അപേക്ഷിക്കാം. എസ്ഐ തസ്തികയിൽ ബിരുദമാണു യോഗ്യത. പ്രായപരിധി: 20–28. കംപ്യൂട്ടർ ബേസ്ഡ് ടെസ്റ്റ്, ശാരീരിക ക്ഷമതാ പരിശോധന, ശാരീരിക അളവെടുപ്പ് പരിശോധന, ഡോക്യുമെന്റ് വെരിഫിക്കേഷൻ എന്നിവ മുഖേനയാണു തിരഞ്ഞെടുപ്പ്.
ശാരീരികക്ഷമതാ പരിശോധനയിൽ ഇനിപ്പറയുന്ന ഇനങ്ങളുണ്ടാകും:
∙കോൺസ്റ്റബിൾ (എക്സിക്യൂട്ടീവ്): ∙പുരുഷൻ: 5 മിനിറ്റ് 45 സെക്കൻഡിൽ1,600 മീറ്റർ ഒാട്ടം, ലോങ് ജംപ് 14 അടി, ഹൈജംപ് 4 അടി.
∙സ്ത്രീ: 3 മിനിറ്റ് 40 സെക്കൻഡിൽ 800 മീറ്റർ ഒാട്ടം, ലോങ് ജംപ് 9 അടി, ഹൈജംപ് 3 അടി.
∙സബ് ഇൻസ്പെക്ടർ (എക്സിക്യൂട്ടീവ്): ∙പുരുഷൻ: 6 മിനിറ്റ് 30 സെക്കൻഡിൽ 1600 മീറ്റർ ഒാട്ടം, ലോങ് ജംപ് 12 അടി, ഹൈജംപ് 3 അടി 9 ഇഞ്ച്.
∙സ്ത്രീ: 4 മിനിറ്റിൽ 800 മീറ്റർ ഒാട്ടം, ലോങ് ജംപ് 9 അടി, ഹൈജംപ് 3 അടി.
ശാരീരിക അളവുകൾ, ഫീസ് തുടങ്ങിയ വിവരങ്ങൾക്ക് സൈറ്റ് കാണുക. www.rrbthiruvananthapuram.gov.in
