ആർമി പ്ലസ്ടു ടെക്നിക്കൽ എൻട്രി; 90 ഒഴിവ്, പരിശീലനം കഴിഞ്ഞ് ലഫ്റ്റ്നന്റ് റാങ്കിൽ നിയമനം
![indian-navy-gif indian-navy-gif](https://img-mm.manoramaonline.com/content/dam/mm/mo/thozhilveedhi/national/images/2024/6/1/indian-navy.gif?w=1120&h=583)
Mail This Article
ആർമി പ്ലസ് ടു ടെക്നിക്കൽ എൻട്രി സ്കീം (പെർമനന്റ് കമ്മിഷൻ) 52–ാം കോഴ്സിലേക്ക് അപേക്ഷ ക്ഷണിച്ചു. 90 ഒഴിവ്.
അവിവാഹിതരായ ആൺകുട്ടികൾക്കാണ് അവസരം. 2025 ജനുവരിയിൽ കോഴ്സ് ആരംഭിക്കും. ഓൺലൈൻ വഴി ജൂൺ 13 വരെ അപേക്ഷിക്കാം.
∙യോഗ്യത: ഫിസിക്സ്, കെമിസ്ട്രി, മാത്സ് പഠിച്ച് 60% മാർക്കോടെ പ്ലസ് ടു ജയം/ തത്തുല്യം. അപേക്ഷകർ ജെഇഇ (മെയിൻസ്) 2023എഴുതിയവരാകണം.
പ്രായം: 2005 ജൂലൈ രണ്ടിനു മുൻപും 2008 ജൂലൈ ഒന്നിനു ശേഷവും ജനിച്ചവരാകരുത് (രണ്ടു തീയതിയും ഉൾപ്പെടെ).
∙പരിശീലനം: 4 വർഷം. പൂർത്തിയാക്കുന്നവർക്ക് എൻജിനീയറിങ് ബിരുദം ലഭിക്കും. പരിശീലനത്തിനുശേഷം ലഫ്റ്റ്നന്റ് റാങ്കിൽ നിയമനം.
∙തിരഞ്ഞെടുപ്പ്: ഷോർട് ലിസ്റ്റ് ചെയ്യപ്പെടുന്നവരെ എസ്എസ്ബി ഇന്റർവ്യൂവിനു ക്ഷണിക്കും. രണ്ടു ഘട്ടങ്ങളായി 5 ദിവസമാണ് ഇന്റർവ്യൂ. വൈദ്യപരിശോധനയും ഉണ്ടാകും. www.joinindianarmy.nic.in എന്ന വെബ്സൈറ്റ് വഴി ഓൺലൈൻ അപേക്ഷ സമർപ്പിക്കാം.