Activate your premium subscription today
‘‘ഇത്രയും വർഷമായില്ലേ, ഇനിയെങ്കിലും ന്യൂജെൻ പിള്ളേർക്കു വേണ്ടി വഴിമാറിക്കൊടുത്തൂടേ...’’ മലയാള സിനിമയുടെ സൂപ്പർ താരങ്ങളായ മമ്മൂട്ടിക്കും മോഹൻലാലിനും നേരെ കഴിഞ്ഞ വർഷം വരെ കേട്ടിരുന്ന ആരോപണങ്ങളിലൊന്നായിരുന്നു ഇത്. എന്നാൽ ഇരുവരും ഒന്നും മിണ്ടിയില്ല. പകരം വീണ്ടും സിനിമകളിൽ അഭിനയിച്ചുകൊണ്ടേയിരുന്നു. 2023ൽ അവർ ഒരു മാജിക്കും കാണിച്ചു. തൊടുന്നതെല്ലാം (കോടികളുടെ) പൊന്നാക്കുന്ന മാജിക്. ‘കണ്ണൂർ സ്ക്വാഡ്’ സിനിമയിൽ മമ്മൂട്ടിയുടെ കഥാപാത്രം ഒരു ഘട്ടത്തിൽ പറയുന്നുണ്ട്: ‘ഇതുവരെ എത്തിയില്ലേ സാർ, ഇനി അവന്മാരെ പിടിച്ചിട്ടേ ഞങ്ങൾ തിരികെ വരുന്നുള്ളൂ...’’. ആ ഡയലോഗൊന്നു മാറ്റിപ്പിടിച്ചാൽ ഇങ്ങനെ പറയാം: ‘‘ഇതുവരെ എത്താൻ ഞങ്ങൾക്കറിയാമെങ്കിൽ ഇനിയും തീയറ്ററുകളും ജനമനസ്സുകളും പിടിച്ചെടുത്തിട്ടുതന്നെയേ പിന്മാറാൻ ഞങ്ങൾക്ക് മനസ്സുള്ളൂ...’’ എന്ന്. സൂപ്പര്‍ താരങ്ങളെല്ലാം ശരിക്കും സൂപ്പറായ വർഷമാണ് 2023. എന്നു കരുതി ന്യൂജെൻ താരങ്ങൾക്കു യാതൊരു കോട്ടവും സംഭവിച്ചിട്ടില്ല. ‘കൊച്ചുപിള്ളേർ’ അഭിനയിച്ച നെയ്മർ പോലും ഹിറ്റായി മാറിയ അദ്ഭുതവും 2023 നമുക്കു കാണിച്ചുതന്നു. ഇങ്ങനെ കാലങ്ങളായി മലയാള സിനിമയ്ക്കൊപ്പമുള്ള താരങ്ങളും പിച്ചവച്ചു തുടങ്ങിയ താരങ്ങളും പുതുമുഖങ്ങളുമെല്ലാം ഹിറ്റുകൾ സമ്മാനിച്ച വർഷമാണു കടന്നു പോകുന്നത്. മലയാള സിനിമയുടെ ചരിത്രത്തിൽ ഏറ്റവും കൂടുതല്‍ ചിത്രങ്ങളിറങ്ങിയ വർഷം. ഇരുന്നൂറ്റി ഇരുപത്തിയഞ്ചോളം സിനിമകളിറങ്ങിയപ്പോൾ അതിൽ വിരലിലെണ്ണാവുന്നവ മാത്രമാണ് തിയറ്ററിൽ ഹിറ്റായത്. ചിലതെല്ലാം ഒടിടിയിലും പ്രേക്ഷകരെ കീഴടക്കി. പതിവു പോലെ തിയറ്ററുടമകൾക്കു പറയാനുള്ളത് ലാഭത്തിന്റെയും നഷ്ടത്തിന്റെയും ‘സമ്മിശ്ര പ്രതികരണ’മാണ്. പക്ഷേ, മലയാളത്തിലെ ചലച്ചിത്ര പ്രേക്ഷകർക്ക് സിനിമയുടെ അദ്ഭുത ലോകത്തേക്ക് ആഴ്ന്നിറങ്ങി ആനന്ദിക്കാനും അഭിമാനിക്കാനും അവസരമൊരുക്കിയ സിനിമകൾ സമ്മാനിച്ചാണ് 2023 വിടപറയുന്നതെന്നു നിസ്സംശയം പറയാം.
ഇന്ത്യൻ സിനിമയിലെ ഇതിഹാസ താരം അശോക് കുമാർ. പേരെടുത്ത ബ്രിട്ടിഷ്– ഇന്ത്യൻ നടൻ സയീദ് ജെഫ്രി. ഇവരുമായി അമ്മ വഴി അടുത്ത ബന്ധമുള്ള ഒരു പെൺകുട്ടി. അശോക് കുമാറിന്റെ കൊച്ചുമകളെന്നുതന്നെ വിളിക്കാം. ‘നെപ്പോട്ടിസ’ത്തിനു കുപ്രസിദ്ധിയാർജിച്ച ബോളിവുഡിൽ അത്തരമൊരു പെൺകുട്ടിക്ക് ഒരു നടിയാകാൻ അധികം ബുദ്ധിമുട്ടേണ്ടിയൊന്നും വരില്ല. പക്ഷേ കിയാര അഡ്വാനിയുടെ ജീവിതത്തില്‍ സംഭവിച്ചത് നേരെ മറിച്ചാണ്. ഒരു സിനിമാക്കാരും അവളെ തേടി വന്നില്ല. ബോളിവുഡില്‍ അവൾക്ക് ഗോഡ് ഫാദർമാരും ഉണ്ടായിരുന്നില്ല. അവസരങ്ങൾക്കായി ഫോട്ടോകൾ അയച്ചും ഓഡിഷനുകളിൽ പങ്കെടുത്തും ഏറെ ബുദ്ധിമുട്ടിത്തന്നെയാണ് അവൾ ബോളിവുഡിൽ തന്റേതായ സ്ഥാനമുറപ്പിച്ചത്. ആദ്യ സിനിമയിറങ്ങി ഒരു ദശാബ്ദമാകാനിരിക്കുന്നതേയുള്ളൂ. അപ്പോഴേക്കും ചലച്ചിത്രലോകത്തെ ഏറ്റവും അധികം പേർ തിരയുന്ന താരമായി മാറാൻ കിയാരയ്ക്കു സാധിച്ചു. ബോളിവുഡിൽ മാത്രമല്ല, 2023ൽ ഗൂഗിളിൽ ഇന്ത്യയിൽ ഏറ്റവുമധികം പേർ തിരഞ്ഞ പേരും മറ്റാരുടെയുമല്ല– കിയാരയുടേതാണ്. ആരാണ് കിയാര? എങ്ങനെയാണ് ഈ മുപ്പത്തിയൊന്നുകാരി ഇന്ത്യയിലെ ‘മോസ്റ്റ് ഗൂഗിൾഡ് പേഴ്സനായി’ മാറിയത്?
ഒരു ഇല കൊഴിയുന്നതു പോലെ 2023 നമ്മെ വിട്ടു പിരിയാൻ പോവുകയാണ്. എന്തുപെട്ടെന്നാണ് ഒരു വർഷം കടന്നുപോയത്. എന്തൊക്കെ സംഭവങ്ങളാണ് നമുക്ക് ചുറ്റിലും ഇതിനിടെ ഉണ്ടായത്. കേരളത്തിലും ഇന്ത്യയിലും 2023ലുണ്ടായ പ്രധാന സംഭവങ്ങൾ ഓർത്തെടുക്കാൻ ഒരു നിമിഷം മതിയായേക്കും. എന്നാൽ ഈ വലിയ ലോകത്തിൽ സംഭവിച്ച പ്രധാനകാര്യങ്ങളോ? ഒരുപക്ഷേ പെട്ടെന്ന് അവ ഓർത്തെടുക്കാൻ പറ്റിയെന്ന് വരില്ല. 2023 പ്രത്യാശയുടെ, സന്തോഷത്തിന്റെ ഒപ്പം ദുഃഖത്തിന്റെയും വർഷമായിരുന്നു. ലോകം ഒന്നാകെ പ്രാർഥനയോടെ ദിനങ്ങളെണ്ണി കാത്തിരുന്ന സംഭവങ്ങൾ വരെ അക്കൂട്ടത്തിലുണ്ടായിരുന്നു. വായിക്കാം 2023 ലെ 23 വലിയ സംഭവങ്ങളുടെ ചെറിയ കുറിപ്പുകള്‍.
എന്തെല്ലാം സംഭവങ്ങളാണ് 2023ൽ ഇന്ത്യയിൽ നടന്നത്! വിരുന്നുകാരായി ലോകകപ്പ് കളിക്കാൻ ക്രിക്കറ്റെത്തി, ജി20യിൽ ഒത്തുകൂടാൻ യുഎസ് പ്രസിഡന്റ് അടക്കമുള്ള ലോകനേതാക്കൾ ഒന്നിച്ചിറങ്ങി, പുതിയ പാർലമെന്റ്... എല്ലാം കൂടിച്ചേർന്ന് രാജ്യത്ത് ഉത്സവമേളമായിരുന്നു. എന്നാൽ ഇതിനിടയിൽ ഒഡീഷയിലെ ട്രെയിൻ അപകടം, മണിപ്പൂർ കലാപം.. അതെ, ചില സംഭവങ്ങൾ നമ്മെ വിഷമിപ്പിച്ചു. ഉത്തരാഖണ്ഡിൽ ടണലി‍ൽ അകപ്പെട്ട 41 ജീവനുകൾ ചിരിച്ചുകൊണ്ടു പുറത്തിറങ്ങിയപ്പോൾ നാം ആ രക്ഷാപ്രവർത്തനത്തിൽ അദ്ഭുതപ്പെട്ടു, സന്തോഷിച്ചു. 9 സംസ്ഥാനങ്ങളിൽ തിരഞ്ഞെടുപ്പ് പൂരം നടന്ന വർഷമായിരുന്നു 2023. എന്നാൽ ശരിക്കുള്ള പൂരം 2024ലാണ്. അതിനുള്ള രഹസ്യക്കൂട്ടുകൾ ഒരുക്കി കാത്തിരിക്കുകയാണ് പാർട്ടികൾ. ഇതിനിടയിൽ പോക്കറ്റിലുണ്ടായിരുന്ന 2000 രൂപയുടെ നോട്ട് ‘കാണാതായത’ടക്കം പറയാതെ പോയ ചില കാര്യങ്ങൾ കൂടിയുണ്ട്... വായിക്കാം 2023 ൽ ഇന്ത്യ കണ്ട 23 സംഭവങ്ങൾ.
2023ലെ വാർത്തകളിൽ സന്തോഷമായും സങ്കടമായും നിറഞ്ഞുനിന്നവർ, ദിവസങ്ങളോളം മലയാളികളുടെ ചർച്ചകളിൽ താരമായവർ, പല സംഭവങ്ങള്‍... ഈ 365 ദിവസത്തെ സജീവമാക്കിയ ഒരായിരം വിഷയങ്ങളെങ്കിലും ഉണ്ടായിട്ടുണ്ട് കേരളത്തിൽ. അവയിൽനിന്ന് 2023ന്റെ അടയാളമായി മാറിയ 23 സംഭവങ്ങളെ തിരഞ്ഞെടുക്കുകയാണിവിടെ. അക്കൂട്ടത്തില്‍ 2022ന്റെ തുടർച്ചയായി 2023ലേക്ക് കടന്നുകയറിയ സംഭവങ്ങളുണ്ട്, 2023 ലെ കലണ്ടറിലെ ചതുരക്കളത്തിൽ ഒതുങ്ങി നിൽക്കാതെ 2024ലേക്കും പടരാൻ വെമ്പുന്ന സംഭവങ്ങളുമുണ്ട്. 2023 പടിയിറങ്ങുമ്പോൾ ഈ വർഷം പ്രധാന തലക്കെട്ടുകളായി, സംവാദങ്ങളായി നമുക്കൊപ്പം സഞ്ചരിച്ച കേരളത്തിലെ ചില സംഭവങ്ങളെ ഒരിക്കൽ കൂടി ഓർത്തെടുക്കാം...
Results 1-5
