ഈ ഓണക്കാലത്ത് വമ്പൻ ഓഫറുകളുമായി വണ്ടർലാ

കാത്തിരുന്ന് അടുത്ത ഓണക്കാലം ഇങ്ങെത്തി. ഓണക്കാലം അടിച്ചു പൊളിക്കാൻ പറ്റിയ സ്ഥലം അന്വേഷിക്കുന്ന ആളുകള്‍ക്ക് സന്തോഷം നൽകുന്നതാണ് ഇത്തവണത്തെ ഓണത്തിന് ഇന്ത്യയിലെ പ്രമുഖ അമ്യൂസ്‌മെന്‍റ് പാർക്ക് ശൃംഖലയായ വണ്ടർലാ ഹോളിഡേയ്‌സ് ലിമിറ്റഡ്  അവതരിപ്പിച്ചിരിക്കുന്ന ഓഫറുകൾ. ഓഫറുകൾക്ക് പുറമേ ഓണവുമായി ബന്ധപ്പെട്ട നിരവധി ആക്ടിവിറ്റികളും വണ്ടർലാ സന്ദർശകർക്കായി ഒരുക്കിയിട്ടുണ്ട്. ഫ്ലാോട്ടിങ് പൂക്കളം, പുലിക്കളി, ശിങ്കാരിമേളം, ഓണസദ്യ, വൈകിട്ട് മ്യൂസിക് ഷോ തുടങ്ങി പത്ത് ദിവസം നീണ്ടു നിൽക്കുന്ന ഓണാഘോഷ പരിപാടികളാണ് ഇവിടെയെത്തുന്ന ആളുകളെ കാത്തിരിക്കുന്നത്. കുട്ടികൾക്ക് മാത്രമല്ല എല്ലാ പ്രായത്തിലുമുള്ള ആളുകൾക്കും പങ്കെടുക്കാനും സമ്മാനങ്ങൾ നേടാനും കഴിയുന്ന തരത്തിലാണ് ഗെയിമുകൾ പ്ലാൻ ചെയ്തിരിക്കുന്നത്. ഇതുവരെ നൽകാത്ത ഓഫറുകളാണ് ഇത്തവണ നൽകുന്നത്. ഓണം ഓഫറുകൾ ഓണത്തിന് മുൻപ് ഓൺലൈനിൽ ലഭ്യമാകും.  

2000 - ൽ ആരംഭിച്ച വണ്ടർലാ കൊച്ചി പാർക്കിൽ വാട്ടർ റൈഡുകൾ, വാട്ടർ ഇതര റൈഡുകൾ, കുട്ടികൾക്കുള്ള റൈഡുകൾ, ഹൈ ത്രിൽ റൈഡുകൾ എന്നിവയുൾപ്പെടെ 55- ലധികം റൈഡുകളും മറ്റ് ആകർഷണങ്ങളായ ഇൻഡോർ ഷോകളും ഉണ്ട്. ഓപ്പൺ - എയർ റെയിൻ ഡാൻസ്, ഫുഡ് ഫെസ്റ്റ്, ഡിജെ തുടങ്ങിയവ വണ്ടർലാ സന്ദർശനം കൂടുതൽ ആനന്ദകരമാക്കുന്നു. നേരത്തെയുണ്ടായിരുന്ന ബാലരമ കേവിനു പകരം എയർ റെയ്സ് എന്ന പുതിയ ആക്ടിവിറ്റിയാണ് ഇപ്പോഴുള്ളത്. വട്ടം കറക്കി മുകളിലേക്കുയർത്തി ആകാശത്ത് തലകീഴാക്കി നിർത്തുന്ന തരത്തിലാണ് ഇതിന്റെ പ്രവർത്തനം. കോർണിറ്റോ, ട്വിസ്റ്റർ എന്നീ രണ്ട് പുതിയ വാട്ടർ റൈഡുകൾ കൂടി ഇവിടെ പുതിയതായി ആരംഭിച്ചിട്ടുണ്ട്.

ഓണത്തിന് മാത്രമല്ല, സാധാരണ ദിവസങ്ങളിലും വ്യത്യസ്ഥങ്ങളായ ഓഫറുകളും ഇളവുകളും സന്ദർശകർക്ക് നൽകാറുണ്ട്. സ്കൂൾ, കോളേജ് കുട്ടികൾക്ക് പുറമേ വനിതകൾക്കും ഡിസ്കൗണ്ട് ഓഫർ ലഭ്യമാണ്. എല്ലാ ബുധനാഴ്ചകളിലുമാണ് വനിതകൾക്കുള്ള പ്രത്യേക ഓഫർ ലഭ്യമാകുക. മാത്രമല്ല, ജന്മദിനം ആഘോഷിക്കുന്ന വ്യക്തികൾക്ക് അവരുടെ ജന്മദിനത്തിലോ, ജന്മദിനത്തിന് 5 ദിവസം മുൻപോ 5 ദിവസത്തിനു ശേഷമോ ഉള്ള ദിവസങ്ങളിൽ ഓൺലൈനിൽ ടിക്കറ്റ് ബുക്ക് ചെയ്താൽ വണ്ടർലായിലേക്കുള്ള "സൗജന്യ പാർക്ക് എൻട്രി ടിക്കറ്റ്" ലഭിക്കും. വണ്ടർലായുടെ കൊച്ചി, ബെംഗളൂരു, ഹൈദരാബാദ് എന്നീ പാർക്കുകളിലും ഈ ഓഫർ ലഭ്യമാണ്. സൗജന്യ പ്രവേശനത്തിനു പുറമെ ജന്മദിനം ബന്ധുമിത്രാദികൾക്കൊപ്പം ആഘോഷിക്കാനുള്ള സൗകര്യവും വണ്ടർല ഒരുക്കിയിട്ടുണ്ട്‌ . ഇതിനായി സന്ദർശകരുടെ ആവശ്യാനുസരണം പ്രത്യേക പരിപാടികൾ അടക്കമുള്ള പാക്കേജുകൾ ഓൺലൈനിൽ ലഭ്യമാണ്.  മുൻകൂട്ടിബുക്ക് ചെയ്യുവാൻ www.wonderla.com സന്ദർശിക്കുക.