ചന്ദ്രഗ്രഹണം; ഓരോ നക്ഷത്രക്കാരും അനുഷ്ഠിക്കേണ്ടവ

2019 ജൂലൈ 17 പുലർച്ചെ ധനുരാശിയിൽ കേതുഗ്രസ്ത ചന്ദ്രഗ്രഹണം നടക്കും. ഈ ഗ്രഹണത്തിന്റെ മധ്യം രാത്രി 03.01  മുതൽ 03.18  വരെയാണ്.ജനിച്ച കൂറ് അടിസ്ഥാനമാക്കിയുള്ള ദോഷപരിഹാരങ്ങൾ താഴെ ചേർക്കുന്നു.

മേടക്കൂർ (അശ്വതി , ഭരണി, കാർത്തിക 1/4 ): 

ദോഷപരിഹാരത്തിനായിനാളിൽ  ദേവീ ക്ഷേത്രത്തിൽ ഭഗവതി സേവാ നടത്തിച്ച്  തൊഴുതു പ്രാർഥിക്കുക . സാധിക്കുന്നവർ ഭവനത്തിൽ നിത്യേന ദേവീ മാഹാത്മ്യ പാരായണം  നടത്തുക 

ഇടവക്കൂർ ( കാർത്തിക 3/ 4, രോഹിണി ,മകയിരം 1/ 2 ) :   

ദോഷശമനത്തിനും ഗുണവർധനവിനുമായി മഹാവിഷ്ണു ഭജനം നടത്തുക .   വ്യാഴാഴ്ചകളിൽ   വിഷ്ണു ക്ഷേത്ര ദർശനം നടത്തി പ്രാർഥിക്കുക. നെയ്‌വിളക്ക് കൊളുത്തുന്നതും തുളസിമാല ചാർത്തിക്കുന്നതും ഉത്തമം. 

മിഥുനക്കൂർ ( മകയിരം 1/ 2 , തിരുവാതിര , പുണർതം 3/4 )

ജന്മനാളിൽ  ക്ഷേത്രത്തിൽ ദർശനം നടത്തി ഗണപതി ഹോമം നടത്തിക്കുക. നിത്യേന ഭവനത്തിൽ ഗണപതി അഷ്ടോത്തര ജപം നടത്തുക . 

കർക്കിടകക്കൂർ  ( പുണർതം 1/ 4, പൂയം, ആയില്യം ) :  

ദോഷ ശമനത്തിനും ഗുണവർധനവിനുമായി ധർമ്മ ശാസ്താവിനെ ഭജിക്കുക. ശനിയാഴ്ചകളിൽ ശാസ്താവിങ്കൽ  നീരാജനം കത്തിക്കുക . എള്ള് പായസനിവേദ്യം നടത്തിക്കുന്നതും ഉത്തമം. 

ചിങ്ങക്കൂർ ( മകം, പൂരം , ഉത്രം 1/ 4 ) 

ദോഷശമനത്തിനും ഗുണവർധനവിനുമായി ശ്രീകൃഷ്ണ ഭജനം നടത്തുക. ബുധഴ്ചകളിൽ ശ്രീകൃഷ്ണസ്വാമിക്ക് വെണ്ണ ,അവൽ ഇവ നിവേദിക്കുക

കന്നിക്കൂർ  (ഉത്രം 3/4, അത്തം, ചിത്തിര 1/2) : 

ഗുണവർധനവിനും ദോഷശമനത്തിനുമായി ശിവ   ഭജനം നടത്തുക.  ശിവാഷ്ടോത്തരം നിത്യേന പാരായണം ചെയ്യുക . ശിവങ്കൽ എള്ളെണ്ണ വിളക്കിൽ ഒഴിപ്പിച്ചു  പ്രാർഥിക്കുക .  യഥാ  ശക്തി അന്നദാനം നടത്തുക.

തുലാക്കൂർ ( ചിത്തിര 1/2 , ചോതി, വിശാഖം 3/ 4 )  

ദോഷശമനത്തിനായി വിഷ്ണു  ഭജനം നടത്തുക  . നിത്യേന ഭവനത്തിൽ വിഷ്ണു ഭജനം നടത്തുക. സാധുജനത്തിന്  അന്നദാനം നടത്തുകയും വേണം. 

വൃശ്ചികക്കൂർ ( വിശാഖം 1/4, അനിഴം, തൃക്കേട്ട ) :

ദോഷ ശമനത്തിനായി ശ്രീകൃഷ്ണ   ഭജനം നടത്തുക. ബുധനാ ഴ്ചകളിൽ ശ്രീകൃഷ്ണ സ്വാമിയെ   ദർശിച്ച്  പ്രാർത്ഥിക്കുക. നിത്യേന ഭവനത്തിൽ നെയ് വിളക്കു  കൊളുത്തി ജപം നടത്തുക .

ധനുക്കൂർ ( മൂലം, പൂരാടം, ഉത്രാടം1/4 ) : 

ഗുണവർധനവിനും ദോഷശമനത്തിനുമായി ശിവ  ഭജനം . ജന്മ നാളിൽ ശിവങ്കൽ ഭസ്മാഭിഷേകം നടത്തിക്കുക. ഒപ്പം ദേവീ ക്ഷേത്രത്തിൽ ചുവന്ന പുഷ്പങ്ങളാൽ  അർച്ചന നടത്തിക്കുക. 

മകരക്കൂർ ( ഉത്രാടം 3/4 , തിരുവോണം, അവിട്ടം 1/2 ) :

ഗുണവർധനവിനും ദോഷശമനത്തിനുമായി  ശാസ്താ  ഭജനം നടത്തുക . ശാസ്താവിങ്കൽ  ദർശനം നടത്തി   എള്ളു പായസ നിവേദ്യം,  പുഷ്പാഞ്ജലി  ഇവ നടത്തിക്കുക . 

കുംഭക്കൂർ ( അവിട്ടം 1/2, ചതയം, പൂരുരുട്ടാതി 3/4 ) :

ഗുണവർധനയ്ക്കും ദോഷ ശമനത്തിനുമായി സുബ്രഹ്മണ്യ  ഭജനം നടത്തുക. ചൊവ്വാഴ്ചകളിൽ   വ്രതമെടുത്ത് . സുബ്രഹ്മണ്യ ക്ഷേത്ര ദർശനം നടത്തുക. 

മീനക്കൂർ ( പൂരുരുട്ടാതി 1/4 , ഉത്രട്ടാതി , രേവതി ) :  

ദോഷശമനത്തിനായി ഗണപതി  ഭജനം നടത്തുക. ഭവനത്തിൽ ഗണപതി സങ്കൽപ്പത്തിൽ ഭജിക്കുക  . നാളിൽ ഗണപതി ഹോമം നടത്തിക്കുക 

ലേഖകൻ  

വി. സജീവ് ശാസ്‌താരം 

പെരുന്ന , ചങ്ങനാശേരി 

Ph: 9656377700