ദേവീചൈതന്യവുമായി നവരാത്രിനാളുകൾ

ആശ്വിനമാസത്തിന്റെ വരവറിയിച്ച് ആകാശത്തിനു വെണ്മ ചാർത്തി ശാരദമേഘങ്ങൾ. ഇതാ, നവരാത്രിക്കു തുടക്കമായിരിക്കുന്നു.  ഈ പുണ്യനാളുകളിൽ ശക്തിസ്വരൂപിണിയായ ദേവിയുടെ ആരാധനയിലൂടെ ശക്തിയും ഐശ്വര്യവും അറിവും നേടുകയാണു നാം. 

പ്രപഞ്ചത്തിലെ ഓരോ ചലനത്തിനു പിന്നിലും ഓരോ ശക്തിയുണ്ട്. ആ ശക്തിയെ  ആദിപരാശക്തിയായി വിവിധ ദേവീഭാവങ്ങളിൽ ആരാധിക്കുന്നു. അതുകൊണ്ട് ദേവിയെന്നാൽ ശക്തി തന്നെ. 

ആ ശക്തിയില്ലെങ്കിൽ സൃഷ്ടി-സ്ഥിതി-സംഹാരം പോലുമില്ലെന്നു ദേവീഭാഗവതം ഉൾപ്പെടെയുള്ള പുരാണങ്ങൾ പറയുന്നു.

"ശിവ: ശക്ത്യാ യുക്തോ യദി ഭവതി ശക്ത: പ്രഭവിതും...." എന്ന് ആദിശങ്കരാചാര്യർ സൗന്ദര്യലഹരിയിൽ പറയുന്നു. ശക്തിയെന്ന ദേവിയോടു ചേരുമ്പോൾ മാത്രമാണ് സാക്ഷാൽ പരമശിവൻ പോലും പ്രഭാവത്തിനു ശക്തനാകുന്നത് എന്ന്. 

ആ ശക്തിയെ ആരാധിക്കുന്ന വിശേഷപ്പെട്ട ദിവസങ്ങളാണ് നവരാത്രി. 

നവരാത്രിയെക്കുറിച്ച് കൂടുതൽ അറിയാൻ കേൾക്കൂ.....