വാഹന നമ്പരും പാസ്‌വേഡും ഭാഗ്യത്തെ സ്വാധീനിക്കുമോ? ഭാഗ്യ സംഖ്യകളുടെ സ്‌പന്ദനം

ജീവിതത്തിലെ എല്ലാ പ്രധാനപ്പെട്ട കാര്യങ്ങൾക്കും സംഖ്യയ്ക്ക് വലിയ പ്രാധാന്യം കൊടുക്കുന്നവരുണ്ട്. പുതിയ സിം കാർഡ് എടുക്കുമ്പോൾ, ഫോൺ നമ്പർ മാറുമ്പോൾ, വാഹനം രജിസ്റ്റർ ചെയ്യുമ്പോൾ, പരീക്ഷക്ക് ഹാൾടിക്കറ്റ് കയ്യിൽ കിട്ടുമ്പോൾ അതിലെ നമ്പറുകൾ ഭാഗ്യ നമ്പർ ആണോ എന്ന് നോക്കാത്തവരുടെ എണ്ണം വിരളമാണ്. ഓരോ സംഖ്യകൾക്കും അതിന്റേതായ ശക്തിയുണ്ട്. ഇത്തരം ഭാഗ്യ സംഖ്യകൾക്ക് പ്രത്യേക സ്‌പന്ദനവും ശക്തിയുമൊക്കെയുണ്ടെന്നാണ് സംഖ്യാശാസ്ത്രത്തിൽ വിശ്വസിക്കുന്നവർ പറയുന്നത്. 

ജ്യോതിഷപ്രകാരം ഇരുപത്തിയേഴ് നക്ഷത്രങ്ങൾക്കും ഓരോ ഭാഗ്യസംഖ്യയുണ്ട്. ജന്മനക്ഷത്രത്തിന്റെ സവിശേഷതക്കനുസരിച്ച്‌ ഒരു വ്യക്തിയുടെ ഭാഗ്യനിർഭാഗ്യങ്ങൾ വ്യത്യാസപ്പെട്ടിരിക്കും. വാഹന നമ്പർ ആയാലും പാസ്‌വേഡ് ആയാലും ജന്മനക്ഷത്രമനുസരിച്ചുള്ള സംഖ്യ വരുന്നത് ഭാഗ്യം പ്രദാനം ചെയ്യുമെന്നാണ് സംഖ്യാശാസ്ത്ര വിദഗ്ധരുടെ അഭിപ്രായം.

മനുഷ്യരുടെ ജീവിതത്തിൽ നിർണായക സ്വാധീനമാകാൻ സംഖ്യാശാസ്ത്രത്തിനു കഴിയുമെന്നാണ് തെളിയിക്കപ്പെട്ടിട്ടുള്ളത്. ഒരു വ്യക്തിയുടെ വ്യക്തിത്വവും സ്വഭാവ സവിശേഷതകളും എന്തിനേറെ, അയാളുടെ ചുറ്റുമുള്ള ഊർജ്ജത്തെ വരെ മനസിലാക്കാൻ സംഖ്യകളും അക്ഷരങ്ങളും പ്രത്യേകം യോജിപ്പിച്ചുകൊണ്ടുള്ള ഈ ശാസ്ത്രത്തിനു കഴിയുമെന്നാണ് പറയപ്പെടുന്നത്. ഒരു വ്യക്തിയുടെ വ്യക്തിത്വം എന്താണെന്നതിനെപ്പറ്റിയും അയാളുടെ ജീവിതത്തെക്കുറിച്ചും ഏതു തൊഴിൽ തെരെഞ്ഞെടുക്കണമെന്നതിനെ സംബന്ധിച്ചുമെല്ലാം ധാരണ നല്കാൻ സംഖ്യാശാസ്ത്രത്തിനു കഴിയും.

മനുഷ്യർ ഏറ്റവും കൂടുതൽ അറിയാൻ ആഗ്രഹിക്കുന്ന, അല്ലെങ്കിൽ ചോദിക്കാൻ ആഗ്രഹിക്കുന്ന ചോദ്യങ്ങൾ പ്രധാനമായും സ്വന്തം ആരോഗ്യത്തെക്കുറിച്ചും സാമ്പത്തികമായ ഉയർച്ചയെക്കുറിച്ചും വൈവാഹിക കാര്യങ്ങളെക്കുറിച്ചുമെല്ലാമാണ് അതിനുള്ള ഉത്തരങ്ങളെല്ലാം നിഷ്പ്രയാസം നൽകാൻ കഴിയുന്ന ഒരു സുപ്രധാന ശാസ്ത്രമാണിത്.

ജന്മനക്ഷത്രപ്രകാരമുള്ള ഭാഗ്യസംഖ്യകൾ
അശ്വതി നക്ഷത്രജാതരുടെ ഭാഗ്യസംഖ്യ - 7
ഭരണി നക്ഷത്രജാതരുടെ ഭാഗ്യസംഖ്യ - 9
കാർത്തിക നക്ഷത്രജാതരുടെ ഭാഗ്യസംഖ്യ - 1
രോഹിണി നക്ഷത്രജാതരുടെ ഭാഗ്യസംഖ്യ -2
മകയിരം നക്ഷത്രജാതരുടെ ഭാഗ്യസംഖ്യ - 9
തിരുവാതിര നക്ഷത്രജാതരുടെ ഭാഗ്യസംഖ്യ - 4
പുണർതം നക്ഷത്രജാതരുടെ ഭാഗ്യസംഖ്യ -3
പൂയം നക്ഷത്രജാതരുടെ ഭാഗ്യസംഖ്യ - 8
ആയില്ല്യം നക്ഷത്രജാതരുടെ ഭാഗ്യസംഖ്യ -5
മകം നക്ഷത്രജാതരുടെ ഭാഗ്യസംഖ്യ -7
പൂരം നക്ഷത്രജാതരുടെ ഭാഗ്യസംഖ്യ -9
ഉത്രം നക്ഷത്രജാതരുടെ ഭാഗ്യസംഖ്യ - 1
അത്തം നക്ഷത്രജാതരുടെ ഭാഗ്യസംഖ്യ - 2
ചിത്തിര നക്ഷത്രജാതരുടെ ഭാഗ്യസംഖ്യ - 9
ചോതി നക്ഷത്രജാതരുടെ ഭാഗ്യസംഖ്യ - 4
വിശാഖം നക്ഷത്രജാതരുടെ ഭാഗ്യസംഖ്യ - 3
അനിഴം നക്ഷത്രജാതരുടെ ഭാഗ്യസംഖ്യ -8
തൃക്കേട്ട നക്ഷത്രജാതരുടെ ഭാഗ്യസംഖ്യ -5
മൂലം നക്ഷത്രജാതരുടെ ഭാഗ്യസംഖ്യ - 7
പൂരാടം നക്ഷത്രജാതരുടെ ഭാഗ്യസംഖ്യ - 6
ഉത്രാടം നക്ഷത്രജാതരുടെ ഭാഗ്യസംഖ്യ - 1
തിരുവോണം നക്ഷത്രജാതരുടെ ഭാഗ്യസംഖ്യ- 2
അവിട്ടം നക്ഷത്രജാതരുടെ ഭാഗ്യസംഖ്യ - 9
ചതയം നക്ഷത്രജാതരുടെ ഭാഗ്യസംഖ്യ - 4
പൂരുരുട്ടാതി നക്ഷത്രജാതരുടെ ഭാഗ്യസംഖ്യ -3
ഉതൃട്ടാതി നക്ഷത്രജാതരുടെ ഭാഗ്യസംഖ്യ - 8
രേവതി നക്ഷത്രജാതരുടെ ഭാഗ്യസംഖ്യ -5