ഫെബ്രുവരിയിലെ സമ്പൂർണ നക്ഷത്രഫലം ; ഉത്രാടം, തിരുവോണം, അവിട്ടം , ചതയം

ഉത്രാടം: ഔദ്യോഗിക മേഖലകളിൽ ജോലിഭാരം വർധിക്കും. വ്യാപാരവിപണനവിതരണമേഖലകളിൽ ക്രമാനുഗതമായ പുരോഗതി കൈവരിക്കും. കുടുംബത്തിൽ സ്വസ്ഥതയും സമാധാനവും വന്നു ചേരുവാനും ഔദ്യോഗികമേഖലകളിൽ നേട്ടങ്ങൾ കൈവരിക്കുവാനും ഉത്രാടം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

തിരുവോണം : ആരോഗ്യം തൃപ്തികരമായിരിക്കും. വിദ്യാർഥികൾക്ക് ആത്മവിശ്വാസം വർധിക്കും. സ്വപ്നങ്ങൾ സാക്ഷാത്കരിക്കും. കുടുംബത്തിൽ സമാധാന അന്തരീക്ഷം സംജാതമാകുവാനും തിരുവോണം നക്ഷത്രക്കാർക്ക് ഈ ഫെബ്രുവരി മാസത്തില്‍ യോഗം കാണുന്നു.

അവിട്ടം: നിശ്ചയിച്ചുറപ്പിച്ച കാര്യങ്ങൾക്ക് മാറ്റങ്ങൾ വന്നുചേരാം. ജീവിതത്തിൽ വഴിത്തിരിവാകുന്ന സാഹചര്യങ്ങൾ വന്നു ചേരാനുള്ള യോഗം കാണുന്നു. ഭയഭക്തിബഹുമാനത്തോടെ ചെയ്യുന്ന കാര്യങ്ങളിൽ വിജയം കൈവരിക്കുവാനും അവിട്ടം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

ചതയം : വ്യവസായിക മേഖലകളിൽ വിറ്റുവരവുള്ള വിഭാഗങ്ങൾ നിലനിർത്തിക്കൊണ്ട് വിപുലമായ പദ്ധതികൾ ആവിഷ്കരിക്കും. നടപടിക്രമങ്ങളിൽ കൃത്യത കൈവരിക്കും. ആരോഗ്യകാര്യങ്ങളിൽ കൂടുതൽ ശ്രദ്ധിക്കും. ഗഹനമായ വിഷയങ്ങൾ ലളിതമായി അവതരിപ്പിക്കുവാനും ചതയം നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.

Content Summary: Monthly Prediction by Kanippayyur February 2023 / Uthradam , Thiruvonam , Avittam , Chathayam