അടുത്തയാഴ്ച നിങ്ങൾക്കെങ്ങനെ? സമ്പൂർണ വാരഫലം

അശ്വതി: പൊതുപ്രവർത്തന രംഗങ്ങളിൽ പ്രവര്‍ത്തിക്കുന്നവര്‍ക്ക് അനുകൂലം. സന്താനങ്ങളില്ലാതെ വിഷമിക്കുന്നവര്‍ക്ക് ആശ്വാസം ലഭിക്കും. കൂട്ടുകെട്ടുകള്‍ മൂലം ആപത്തില്‍പ്പെടാം. സാമ്പത്തിക അച്ചടക്കം പാലിക്കുവാൻ പലപ്പോഴും കഴിയാതെവരും. മറ്റുള്ളവരില്‍നിന്ന് സഹായം ലഭിക്കും. രോഗദുരിതങ്ങള്‍ക്ക് ശമനം കണ്ടുതുടങ്ങും. 

ത്രിസന്ധ്യയിലെ പ്രാർഥനയ്ക്ക് ഇരട്ടിഫലം, നരസിംഹജയന്തി ഇങ്ങനെ അനുഷ്ഠിച്ചാൽ

ഭരണി :  കുടുംബത്തിലെ മുതിർന്ന അംഗത്തിന് രോഗാരിഷ്ടതയുണ്ടാകുവാൻ സാധ്യത കാണുന്നു. അപ്രതീക്ഷിത ചെലവുകൾ വർധിക്കും. ധനകാര്യ സ്ഥാപനങ്ങളിൽ നിന്ന് കടം വാങ്ങേണ്ടിവരും. വാഹന യാത്രകൾക്കിടയ്ക്ക് ധനനഷ്ടം സംഭവിക്കുവാൻ ഇടയുള്ളതിനാൽ ശ്രദ്ധിക്കുക. രോഗകാര്യത്തിൽ അധിക ശ്രദ്ധ പുലർത്തുക. 

കാർത്തിക: ഗുണാനുഭവങ്ങൾ  വര്‍ധിച്ചുനില്‍ക്കും. ഏര്‍പ്പെടുന്ന പ്രവര്‍ത്തനങ്ങളിൽ  വിജയം കൈവരിക്കും. സാമ്പത്തികമായി നിലനിന്നിരുന്ന വിഷമതകൾ ശമിക്കും. എങ്കിലും ഒരുതരം മാനസിക  അസംതൃപ്‌തി എപ്പോഴും പിന്തുടരും. സഹോദരങ്ങളില്‍നിന്നുള്ള സഹായം ലഭിക്കും. തൊഴിൽ രംഗത്ത്  ഉത്തരവാദിത്വം വര്‍ധിക്കും. പ്രണയസാഫല്യമുണ്ടാകും. 

രോഹിണി: ഏര്‍പ്പെടുന്ന കാര്യങ്ങളിൽ വിജയം.  വിദ്യാഭ്യാസപരമായും തൊഴില്‍പരമായും ഉയര്‍ന്ന വിജയം കൈവരിക്കും. ജീവിതപങ്കാളിക്ക് ഏതെങ്കിലും തരത്തിലുള്ള ഉന്നതി. ബന്ധുക്കൾ  നിമിത്തം നേട്ടം. പൊതുപ്രവര്‍ത്തനങ്ങളിൽ  വിജയം. പൈതൃകസ്വത്തിന്റെ അനുഭവമുണ്ടാകും. മേലുദ്യോഗസ്‌ഥരുടെ പ്രീതി സമ്പാദിക്കും.

മകയിരം:  മംഗള കർമ്മങ്ങളിൽ സംബന്ധിക്കും. ഒന്നിലധികം തവണ ദീർഘയാത്രകൾ  വേണ്ടിവരും. വിജയം ഉറപ്പാക്കിയിരുന്ന പദ്ധതികളിൽ  തിരിച്ചടികൾ  നേരിടും. ഇഷ്ടജനങ്ങൾക്ക്  തൊഴിൽപരമായി  മാറ്റം, അന്യദേശ വാസം എന്നിവയുണ്ടാകും. പുണ്യസ്ഥല സന്ദർശനത്തിന്  അവസരമൊരുങ്ങും.

തിരുവാതിര: രോഗദുരിത ശമനം. കാര്യനടത്തിപ്പിൽ ജീവിതപങ്കാളിയിൽ  നിന്ന് ഉറച്ച പിന്തുണ. പ്രണയബന്ധിതർക്ക്  ഏതെങ്കിലും തരത്തിലുള്ള തടസങ്ങൾ  ഉണ്ടാകാം. മാനസികമായ വിഷമതകൾ നേരിടും . വിദേശത്തുള്ള ജോലിയിൽ ചെറിയ പ്രശ്നങ്ങൾ ഉടലെടുക്കും. ബാങ്കുകളിൽ  നിന്ന് ലോൺ  പാസായിക്കിട്ടും. 

പുണർതം:  അനാവശ്യ ഉത്കണ്ഠ അനുഭവിക്കും. കഫജന്യ രോഗങ്ങൾ  പിടിപെടാം. ദീർഘയാത്രകൾ ഒഴിവാക്കുക. പണമിടപാടുകളിലും ശ്രദ്ധിക്കുക. പൈതൃക സ്വത്തിന്റെ അനുഭവമുണ്ടാകും. കരുതിവെച്ച പണം മറ്റാവശ്യങ്ങൾക്കായി  ചെലവഴിക്കും. മാനസിക പിരിമുറുക്കം വർധിക്കും. 

പൂയം:  കുടുംബസുഹൃത്തുക്കളിൽ  നിന്നുള്ള പെരുമാറ്റം വിഷമം സൃഷ്‌ടിക്കും. വിദേശയാത്രാശ്രമം വിജയിക്കും. സദ്‌കാര്യങ്ങള്‍ക്കായി പണം മുടക്കേണ്ടിവരും. കൃഷിപ്പണിയിൽ  താൽപര്യം വര്‍ധിക്കും. മോഷണം പോയ വസ്‌തുക്കൾ  തിരികെ കിട്ടും. തൊഴില്‍രംഗത്ത് മികവോടെ മുന്നേറും. രോഗശമനമുണ്ടാകും. 

ആയില്യം: തൊഴില്‍രംഗത്ത് നിലനിന്നിരുന്ന അനിശ്‌ചിതത്വം മാറും. ബന്ധുക്കള്‍വഴി കാര്യലാഭം. പ്രധാന ദേവാലയങ്ങൾ സന്ദർശിക്കുവാൻ അവസരം. കടങ്ങൾ  വീട്ടുവാൻ  സാധിക്കും. ഭക്ഷണസുഖം വര്‍ധിക്കും. വ്യവഹാരവിജയം ലഭിക്കും. മംഗളകര്‍മങ്ങളിൽ  സംബന്ധിക്കും. രോഗശമനം ഉണ്ടാകും. 

മകം: അനാവശ്യമായ ചിന്തകൾ മനസ്സിനെ അലട്ടും. ഉദ്ദേശിച്ച പല കാര്യങ്ങളും സുഗമമായി മുന്നോട്ട് പോയിയെന്നുവരില്ല. വിശ്രമം കുറയും. അതിരുകവിഞ്ഞ ആത്മവിശ്വാസം അപകടമായേക്കാം. ജലജന്യരോഗങ്ങള്‍ക്ക് സാധ്യത. ഭവനമാറ്റത്തിന് ആഗ്രഹിക്കുന്നവർക്ക് കാര്യസാദ്ധ്യം . 

പൂരം: പലതരത്തിൽ  നിലനിന്നിരുന്ന വിഷമതകള്‍ക്ക് ശമനം ഉണ്ടാകും. ഒന്നിലധികം മാര്‍ഗങ്ങളിൽ  ധനാഗമം പ്രതീക്ഷിക്കാം. ഭൂമിയിൽ  നിന്നുള്ള ആദായം പ്രതീക്ഷിക്കാം. വാഹനം മാറ്റി വാങ്ങാനുള്ള ആഗ്രഹം സഫലമാകും. ബിസിനസിൽ  നേട്ടങ്ങൾ . കലാരംഗത്ത് പലതരത്തിലുള്ള അംഗീകാരങ്ങൾ  ലഭിക്കും. 

ഉത്രം: സുദൃഢമായ കുടുംബാന്തരീക്ഷമുണ്ടാകും. ഗുണഫലങ്ങൾ അനുഭവത്തിൽ  വരുന്ന കാലമാണ് . മാതാപിതാക്കളുടെ ഇഷ്‌ടത്തിനനുസരിച്ച് പ്രവര്‍ത്തിക്കും. ബന്ധുജനഗുണമനുഭവിക്കും. ഉദ്യോഗസ്‌ഥര്‍ക്ക് മേലധികാരികളുടെ അംഗീകാരം ലഭിക്കും. ഇഷ്ടസ്‌ഥലത്തേയ്‌ക്ക് മാറ്റം ലഭിക്കും. തൊഴിലന്വേഷകര്‍ക്കും അനുകൂലഫലങ്ങൾ പ്രതീക്ഷിക്കാം. 

അത്തം : ബന്ധുജനങ്ങളിൽ നിന്നുള്ള അനുഭവങ്ങൾ കിട്ടും. യാത്രകൾ വേണ്ടിവരും. മാനസികമായി അകന്നുകഴിഞ്ഞിരുന്ന ബന്ധുക്കളുടെ പിണക്കം ശമിക്കും. രോഗാവസ്‌ഥയിലുള്ളവര്‍ക്ക് ആശ്വാസം ലഭിക്കും. ഗൃഹോപകരണങ്ങൾ  പുതുതായി വാങ്ങും. സുഹൃത്തുക്കള്‍ക്കായി പണം ചെലവഴിക്കേണ്ടിവരും. ദാമ്പത്യജീവിതത്തിൽ  നിലനിന്നിരുന്ന അസ്വസ്‌ഥതകൾ  ശമിക്കും.

ചിത്തിര: ഗുണദോഷസമ്മിശ്രമായ ഫലങ്ങൾ അനുഭവിക്കും. ശാരീരികമായി നിലനിന്നിരുന്ന വിഷമങ്ങൾ ശമിക്കും.  പണമിടപാടുകളിൽ  നഷ്‌ടങ്ങള്‍ക്കുള്ള സാധ്യതയാണ് നിലനില്‍ക്കുന്നത്. മംഗളകര്‍മങ്ങളിൽ സംബന്ധിക്കും. ഗൃഹനിര്‍മാണത്തിൽ പുരോഗതി കൈവരിക്കും. വിദ്യാര്‍ഥികള്‍ക്ക് ഉപരിപഠനത്തിന് പ്രവേശനം ലഭിക്കും .

ചോതി: ആരോഗ്യസ്ഥിതി മെച്ചപ്പെടും. വാഹനത്തിനായി പണം മുടക്കേണ്ടി വരും. സഞ്ചാരക്ലേശം വര്ധിക്കും. യാത്രാവേളകളിൽ ധന നഷ്ടത്തിന് സാധ്യത. വിദേശയാത്രയ്ക്കുള്ള ശ്രമങ്ങൾ വിജയം കൈവരിക്കും. ചെലവുകൾ അധികരിക്കും. സാമ്പത്തികമായി വാരം അനുകൂലമല്ല. 

വിശാഖം: മത്സരപ്പരീക്ഷ, ഇന്റർവ്യൂ  ഇവയിൽ  മികച്ച പ്രകടനം. വാഹനത്തിനായി  പണം മുടക്കും. ആവശ്യത്തിൽ കൂടുതലോ യാത്രകൾ വേണ്ടിവരും. സഞ്ചാരക്ലേശം വർധിക്കും. രാഷ്ട്രീയരംഗത്തു പ്രവർത്തിക്കുന്നവർക്ക് എതിർപ്പുകൾ നേരിടും. അടുത്ത ബന്ധുക്കൾക്ക് രോഗസാദ്ധ്യത.  

അനിഴം: വാരം ഗുണദോഷസമ്മിശ്രമായിരിക്കും. തൊഴില്‍പരമായ കൂടുതൽ യാത്രകൾ വേണ്ടിവരും. അതിനാല്‍ത്തന്നെ ക്ഷീണം വര്‍ധിക്കും. വിവാഹനിശ്‌ചയത്തോളമെത്തിയ ബന്ധം മാറിപ്പോകുവാൻ  സാധ്യതയുണ്ട്. ദാമ്പത്യജീവിതത്തിലും സുഖകരമല്ലാത്ത അനുഭവങ്ങളുണ്ടാകും. കൃഷിയിൽ  നിന്ന് നേട്ടങ്ങളുണ്ടാകും. 

തൃക്കേട്ട : തൊഴിലിൽ നിന്നുള്ള നേട്ടങ്ങൾ കൈവരിക്കും. മറ്റുള്ളവരുടെ മുമ്പിൽ അഭിപ്രായപ്രകടനം നടത്തി വെറുപ്പ് സമ്പാദിക്കും. വിശ്രമം കുറഞ്ഞിരിക്കും. മംഗളകര്‍മങ്ങളിൽ സംബന്ധിക്കും. സുഹൃത്തുക്കള്‍വഴി കാര്യസാധ്യം. പൊതുപ്രവര്‍ത്തനങ്ങളിൽ നേട്ടം. 

മൂലം : അലച്ചിൽ വര്‍ധിക്കും. കഠിനപരിശ്രമംകൊണ്ട് മാത്രമേ കാര്യസാധ്യം ഉണ്ടാവുകയുള്ളൂ. സാമ്പത്തികബുദ്ധിമുട്ട് മൂലം പല കാര്യങ്ങളും മാറ്റിവയ്‌ക്കേണ്ടിവരും. ഏറ്റെടുത്ത ജോലികൾ  ചിലപ്പോൾ  ഉപേക്ഷിക്കേണ്ടതായി വരാം. അന്യരോടുള്ള പെരുമാറ്റത്തിൽ  തെറ്റിദ്ധാരണ ഉണ്ടാകാതെ ശ്രദ്ധിക്കുക. 

പൂരാടം:   കാര്‍ഷികമേഖലയിൽ  നിന്നു നേട്ടം. അകന്നുകഴിഞ്ഞിരുന്ന ബന്ധുക്കൾ ഒന്നിക്കും. കലാസാഹിത്യരംഗത്ത് പ്രവര്‍ത്തിക്കുന്നവര്‍ക്ക് വിജയം. അഭിപ്രായഭിന്നതകൾ  ശമിക്കുക വഴി കുടുംബസുഖം വര്‍ധിക്കും. അശ്രദ്ധ വര്‍ധിച്ച് ചെറിയ വീഴ്ച, പരിക്ക് എന്നിവയ്‌ക്ക് സാധ്യത. കാര്യവിജയം നേടും. 

ഉത്രാടം : മംഗല്യഭാഗ്യം ഉണ്ടാകും. മാതാപിതാക്കളുമായി അഭിപ്രായഭിന്നത ഉണ്ടായേക്കാം. സ്വന്തം ഇഷ്‌ടത്തിനനുസരിച്ച് കാര്യങ്ങൾ മുന്നോട്ട് നീങ്ങും. ദാമ്പത്യസുഖവർധന. ഏറ്റെടുത്ത ജോലികൾ  പൂര്‍ത്തീകരിക്കും. ശാസ്‌ത്രവിഷയങ്ങളിൽ  താൽപര്യം  വര്‍ധിക്കും. ലഹരിവസ്‌തുക്കളിൽ  ആസക്‌തിയേറും. 

തിരുവോണം: വ്യവഹാരവിജയം പ്രതീക്ഷിക്കാം. പഴയകാല സുഹൃത്തുക്കളെ കണ്ടുമുട്ടും. ഒന്നിലധികം തവണ ദീര്‍ഘയാത്രകൾ വേണ്ടിവരും. വിശ്രമം കുറയും. മേലധികാരികളുടെ അപ്രീതി സമ്പാദിക്കും. അഭിമാനക്ഷതം സംഭവിക്കാതെ ശ്രദ്ധിക്കുക. ഉത്തമ സന്താനയോഗമുള്ള കാലമാണ്. 

അവിട്ടം : കലാരംഗത്ത് പ്രവര്‍ത്തിക്കുന്നവര്‍ക്ക് പ്രശസ്‌തി. ഔദ്യോഗികപരമായ യാത്രകൾ  വേണ്ടിവരും. മത്സരപ്പരീക്ഷകൾ , ഇന്റര്‍വ്യൂ എന്നിവയിൽ  വിജയിക്കുവാൻ സാധിക്കും. തൊഴിൽ രംഗത്ത് അന്യരുടെ സഹായം ലഭിക്കും. ബിസിനസ് നടത്തുന്നവര്‍ക്ക് വിജയം, ഗൃഹനിര്‍മാണത്തിൽ  പുരോഗതി. 

ചതയം :  ജീവിതപങ്കാളിക്ക് ഏതെങ്കിലും തരത്തിലുള്ള രോഗ സാദ്ധ്യത. മാതാവിനോ മാതൃതുല്യരായവർക്കോ അരിഷ്ടതകൾ.അനുഭവിച്ചുകൊണ്ടിരുന്ന സാമ്പത്തിക ദുരിതങ്ങളിൽ  നിന്ന് മോചനം. ഭവനത്തിൽ നിന്ന് ഉപയോഗമുള്ള വസ്തുക്കൾ  മോഷണം പോകാം. ബന്ധുക്കൾ  നിമിത്തം നേട്ടം.

പൂരുരുട്ടാതി: ഔദ്യോഗികരംഗത്ത് നേട്ടമുണ്ടാകും. സഹോദരങ്ങൾക്ക്  അരിഷ്ടതകൾക്കു  സാധ്യത. ഉത്തരവാദിത്തം വർധിക്കും. ഊഹക്കച്ചവടം,ലോട്ടറി ഇവയിൽ നഷ്ടം സംഭവിക്കാം. ബന്ധുക്കളെ താൽക്കാലികമായി  പിരിഞ്ഞുകഴിയേണ്ടി വരും.

ഉത്രട്ടാതി : വിദേശത്തുനിന്നും നാട്ടിൽ  തിരിച്ചെത്തുവാൻ  സാധിക്കും. ശാരീരികമായി  അരിഷ്ടതകൾ  നേരിടും. ബിസിനസുകളിൽ  നിന്ന് മികച്ച നേട്ടം. തൊഴിൽ പരമായ സ്ഥലംമാറ്റം ഉണ്ടാകും. സുഹൃത്തുക്കളിൽ നിന്ന് ദ്രവ്യലാഭത്തിനു സാധ്യത. ഗൃഹത്തിൽ  ശാന്തത കൈവരും. കലാരംഗത്തു മികച്ച നേട്ടം.

രേവതി: പ്രതികൂലസാഹചര്യങ്ങൾ ഒന്നൊന്നായി തരണംചെയ്യും. സാമ്പത്തികവിഷമങ്ങൾ  നേരിടുമെങ്കിലും സുഹൃത്തുക്കൾ , ബന്ധുക്കൾ  എന്നിവരുടെ സഹായത്താൽ അവ തരണം ചെയ്യും. ഭൂമി, ഭവനം എന്നിവ വാങ്ങാനുള്ള പരിശ്രമം വിജയിക്കും. തൊഴിലന്വേഷകര്‍ക്ക് സ്വകാര്യ സ്ഥാപനങ്ങളിൽ ജോലി ലഭിക്കും. വളർത്തു മൃഗങ്ങളിൽ നിന്ന് പരിക്കേല്‍ക്കുവാൻ സാധ്യതയുണ്ട്.

ലേഖകൻ  

വി. സജീവ് ശാസ്‌താരം 

പെരുന്ന , ചങ്ങനാശേരി 

Ph: 9656377700

Content Summary : Weekly Star Prediction by Sajeev Shatharam / 2023 May 07 to 13